लघुवित्तको मंसिर २६ गते बसेको सञ्चालक समितिको बैठकले शेयरधनीहरुलाई चुक्ता पूँजीको २.५ प्रतिशत बोनस शेयर र कर प्रयोजनको लागि ०.१२५ प्रतिशत नगद गरी २.६२५ प्रतिशत लाभांश वितरण गर्ने प्रस्ताव गरेको हो।
यसअघि गणपति माइक्रोफाइनान्सले सबैभन्दा थोरै ७.३६ प्रतिशत लाभांश वितरण गर्ने प्रस्ताव गरेकोमा नेपाल सेवाले त्योभन्दा पनि थोरै लाभांश प्रस्ताव गरेको हो। गत आवको मुनाफाबाट सबैभन्दा धेरै ७५ प्रतिशत बोनस सहित ८० प्रतिशत लाभांश वितरण गरेको नेशनल माइक्रोफाइनान्सले यहि मंसिर २९ गते साधारण सभाबाट उक्त लाभांश पारित गर्दैछ। लघुवित्तले मंसिर १६ गते बुकक्लोज गरिसकेको छ।
प्रस्तावित लाभांश राष्ट्र बैंकबाट स्वीकृत भई लघुवित्तको आगामी साधारणसभाले पारित गरेपछि मात्र शेयरधनीहरुले पाउनेछन्।
अघिल्लो आर्थिक वर्षमा ५.२ प्रतिशत नगद लाभांश वितरण गरेको लघुवित्तले गत आर्थिक वर्षको कमाईबाट भने लाभांश दर घटाएको हो।
लघुवित्तले गत आर्थिक वर्षको चौथो त्रैमासमा २६ लाख ८ हजार रुपैयाँ खुद नाफा कमाएको थियो।
हाल ६ करोड रुपैयाँ चुक्ता पूँजी रहेको लघुवित्तको १५ लाख रुपैयाँ बराबरको बोनस पश्चात पूँजी ६ करोड १५ लाख रुपैयाँ पुग्नेछ।
