लगानीकर्ताको खाताबाट जनता बैंकको शेयर गायव, कहाँ हरायो शेयर ?

Jan 13, 2020 06:56 PM Merolagani

लगानीकर्ताको खाताबाट जनता बैंकको शेयर एकाएक गायव भएको छ । जनता बैंकको शेयर ग्लोबल आइएमई बैंकको नाममा स्थानातरण गर्ने प्रकृयामा रहेका कारण लगानीकर्ताको डिम्याट खाताबाट शेयर हराएको हो ।  

'स्थानान्तरण गर्ने प्रकृयामा रहेका कारण लगानीकर्ताको डिम्याट खाताबाट शेयर हराएको हो'  सिडिएस एण्ड क्लियरिङ्ग लिमिटेडका प्रवक्ता शुरेस न्यौपानेले भने । मर्जर प्रकृया सकिएपछि शेयर मिलान गर्न कम्पनीहरुको शेयर लगानीकर्ताले दुई दिन चलाउन नमिल्ने गरी व्यवस्था गरिएकाे हुन्छ । सोही कारण शेयरधनीको खाताबाट जनता बैंकको शेयर चलाउन नमिल्ने भएको हो । 

जनता बैंकका शेयरधनीको नाममा रहेको शेयर सोमबार रातिनै ग्लोबल आइएमई बैंकको नाममा परिवर्तन भइ शेयरधनीको नाममा जम्मा हुने न्यौपानेको भनाई छ । ग्लोबल आइएमई बैंक र जनता बैंकले गत मंसिर २० गतेदेखि एकीकृत कारोबार सुरु गरिसकेका छन् । मर्जर सम्झौता पश्चात ग्लोबल आइएमई बैंक र जनता बैंकको असार २२ गते आइतबारदेखि दोस्रो बजारमा शेयर कारोबार रोक्का छ

एकीकृत कारोबार सुरु भएको झण्डै ढेड महिनापछि जनता बैंकको शेयर ग्लोबल आइएमई बैंकको नाममा नेपाल स्टक एक्सचेञ्जमा सूचीकृत हुने तयारीमा रहेको छ । लगानीकर्ताको खातामा शेयर आएसँगै दोस्रो बजारमा कारोबार सुचारु हुने छ । बैंकको दोस्रो बजारमा अर्काे सातादेखि कारोबार खुल्ने नेप्सेले जानाएको छ । 'सम्पूर्ण प्रकृया पुगिसकेको छ । अर्को सातादेखि कारोबार खुल्छ' नेप्से स्रोतले भन्यो ।लामो समयसम्म दुवै बैंकको शेयर कारोबार रोक्का हुदा लगानीकर्ताहरुले आफूहरु मर्कामा परेको बताउदै आएका छन् ।

comments powered by Disqus

तामाकोशीको शेयर संचयकोषका कर्मचारीलाई बढी दिनु घुस दिए जस्तै हो

Jan 18, 2021 06:13 PM

डा. सूर्यराज आचार्य
विकास र समृद्धिको लक्ष्य प्राप्तिका लागि महत्वपूर्ण अवयव पूर्वाधार नै हो । हाम्रो जस्तो विकासशील देशहरुमा पूर्वाधारमा गरिएको लगानीले अर्थतन्त्रलाई विकासको चरणमा प्रवेश गराउने र त्यसपछि उत्पादन प्रक्रियामा महत्वपूर्ण भूमिका खेल्न सक्छ ।