थ्री इन वन खातामा बचत खाता, लगानीखाता र डिम्याट खाताको सुविधा हुन्छ । सानिमा बैंक र सानिमा क्यापिटलले संयुक्त रूपमा संचालनमा ल्याएको यस खातामा ग्राहकहरूले अनलाइन मार्फत् दोश्रो बजारबाट शेयर खरिद बिक्री गर्न सक्ने बैंकले जनाएको छ ।
उक्त खाता खोल्नका लागि सानिमा बैंकका नयाँ तथा पुराना ग्राहकले बैंकको वेभसाइटमा थ्रि इन वन मा गएर आवश्यक विवरण भरी आवेदन दिनुपर्नेछ । अनलाइन मार्फत् आवेदन दिएपछि ग्राहकले दिएको इमेलमा आवेदन प्राप्त भएको जानकारी पाउन सकिनेछ ।
त्यसपछि ग्राहकले एक पटक बैंकको नजिकैको शाखामा पुगेर KYC भरेपछि डिम्याट खाता इमेल मार्फत प्राप्त गर्न सकिन्छ । अनलाइनमार्फत user ID काे credential प्राप्त भएपछि ग्राहकले आफै शेयर कारोबार गर्न बैंकले जनाएको छ । 
बैंकका अनुसार लगानीको लागि इच्छुक, व्यस्त कामकाजी तथा कामको सिलसिलामा भ्रमण गर्ने वा विदेश बसेका नेपालीले शेयर खरिद बिक्रीका लागि यो योजना निकै उपयोगी रहेको छ । साथै अनलाईन मार्फत् आफ्नो अनुकुल र छोटो समयमै शेयर खरिद बिक्री पनि गर्न सकिने बैंकको भनाई छ ।
एक पटक खाता खोलेर हस्ताक्षर प्रमाणीकरण भइसकेपछि हरेक कारोबारका लागि बैंक वा शेयर बजारका ब्रोकरकोमा धाउनुपर्ने अवस्थाबाट छुटकारा पाइने बैंकले जनाएको छ ।
