मंगलबार बजार खुलेको आधा घण्टासम्मको मार्केट डेप्थमा १२ लाख ८२ हजार ८९६ कित्ता शेयर खरिदका आदेश देखिएको छ भने बिक्रीकर्ताहरु शून्य रहेका छन्। सो अवधिसम्ममा बैंकको शेयरमूल्य ९.७५ प्रतिशत अर्थात २७ रुपैयाँ बढेर ३०४ रुपैयाँमा कारोबार भइरहेको छ।
सोमबार बैंकको शेयर २७७ रुपैयाँमा अन्तिम कारोबार भएको थियो। जनता बैंकसँग सफल मर्जरपश्चात साढे ६ महिनापछि शेयर कारोबार खुलेका कारण लगानीकर्ताहरु झुम्मिएका हुन्। लगानीकर्ताहरु उच्च मूल्यमा नै शेयर खरिद गर्न खोजिरहेका छन्। साढे ११ बजेसम्ममा ३०४ रुपैयाँमा ८ लाख ६६ हजार ३२१ कित्ता शेयर खरिद आदेशहरु मार्केट डेप्थमा रहेको छ।
