कम्पनीले भोलि अर्थात माघ १० गते शुक्रबारदेखि शेयरधनीहरुको बैंक खातामा नगद लाभांश जम्मा गर्ने व्यवस्था मिलाएको हो। कम्पनीले हितग्राही खातामा बैंक खाता अध्यावधिक गराएका शेयरधनीहरुको बैंक खातामा सानिमा क्यापिटलबाट आईपीएसमार्फत नगद लाभांश भुक्तानी गर्नेछ।
गत पुस २९ गते सम्पन्न कम्पनीको २३ औँ वार्षिक साधारण सभाले आर्थिक वर्ष २०७५/७६ को मुनाफाबाट चुक्ता पूँजीको १२.६३ प्रतिशत नगद लाभांश वितरण गर्ने प्रस्ताव पारित गरेको थियो। साधारण सभा तथा लाभांश वितरण प्रयोजनार्थ कम्पनीले पुस ८ गतेदेखि बुकक्लोज गरेको थियो।
पुस ७ गतेसम्म नेप्सेमा कारोबार भई कायम शेयरधनीहरुको बैंक खातामा सो नगद लाभांश जम्मा गरिनेछ।
