सानिमा जनरल इन्स्योरेन्स खुद नाफा दुई करोड नजिक

Feb 13, 2020 03:55 PM Merolagani



सानिमा जनरल इन्स्योरेन्सले चालु आर्थिक वर्षको दोस्रो त्रैमाससम्ममा १ करोड ८२ लाख रुपैयाँ खुद नाफा कमाएको छ। यो गत आर्थिक वर्षको यहि अवधिको तुलनामा ५४ लाख ७७ हजार रुपैयाँले बढी हो।

गत आर्थिक वर्षको यसै अवधिसम्ममा कम्पनीले १ करोड २८ लाख रुपैयाँ खुद नाफा कमाएको थियो।

यस अवधिमा कम्पनीको खुद बीमाशुल्क ५ करोड ९० लाख रुपैयाँले बढेर ६ करोड ९९ लाख रुपैयाँ पुगेको छ। गत आर्थिक वर्षको दोस्रो त्रैमाससम्ममा कम्पनीले १ करोड ९ लाख रुपैयाँ खुद बीमाशुल्क आर्जन गरेको थियो।

यस्तै, इन्स्योरेन्सले पुनर्बीमा कमिशनबाट ३ करोड २८ लाख रुपैयाँ र लगानी कर्जा तथा अन्यबाट ५४ लाख ५७ हजार रुपैयाँ आम्दानी गरेको छ।

चुक्ता पूँजी ७० करोड रुपैयाँ रहेको कम्पनीको जगेडा कोषमा ३ करोड २९ लाख रुपैयाँ, बीमाकोषमा ३ करोड ८७ लाख रुपैयाँ र महाविपत्ती कोषमा ३८ लाख ७१ हजार रुपैयाँ सञ्चित छ।

यस अवधिमा इन्स्योरेन्सले २१ हजार ७९२ वटा बीमालेख जारी गरी १७ करोड ८१ लाख रुपैयाँ कूल बीमाशुल्क आर्जन गरेको छ। यस्तै, ३८४ वटा दाबी बापत कम्पनीले ३ लाख ५२ हजार रुपैयाँ भुक्तानी गरेको छ भने २७९ दाबी बापत ८ करोड ३१ लाख रुपैयाँ भुक्तानी गर्न बाँकी छ।




पूँजीबजार र अर्थतन्त्र सुधार्ने ‘अध्यादेश’: ५० प्रतिशत प्रगति भएका हाइड्रोलाई आईपीओ, ३० दिनमा हकप्रद र कर परीक्षण हदम्याद २ वर्ष

Nov 15, 2026 06:06 AM

सरकारले पूँजीबजार, लगानी प्रवर्द्धन, कर प्रशासन र पूर्वाधार विकासमा देखिएको कानुनी तथा प्रक्रियागत जटिलता अन्त्य गर्न एकैपटक ५९ वटा ऐन संशोधन गर्ने गरी बृहत् अध्यादेशको प्रारम्भिक मस्यौदा तयार पारेको छ।