सेक्युरिटी प्रेस स्थापना गर्नका लागि स्वीस कम्पनीका नेपाल प्रतिनिधि विजय प्रकाश मिश्रसँग सञ्चारमन्त्री गोकुल बाँस्कोटाबीच भएको कमिसनको ‘डिलिङ’को अडियो सार्वजनिक पछि यसको चर्चा चुलिएको हो ।
बिहिबार लेखा समितिले सेक्युरिटी प्रेसका बारेमा छलफल गर्न बैठक बोलाएको छ । समितिको बैठकमा संसदहरुले उक्त प्रकरणमा सञ्चारमन्त्री बाँस्कोटामाथि छानविन गर्न माग गरेका छन् । संसदहरुले सेक्युरिटी प्रेसको खरिद प्रकृयामा अनियमितता हुन सक्ने भन्दै असन्तुष्टि व्यक्त गरेका हुन् ।
समितिमा सञ्चार तथा सूचना प्रविधि मन्त्रालय र सुरक्षण मुद्रण केन्द्रसँग सम्बन्धित सेक्युरिटी प्रेसका बारेमा छलफल भएको हो ।
लेखा समितिले यस घटनाका बारेमा छलफल गर्न सञ्चारमन्त्री गोकुल बाँस्कोटालाई बोलाए पनि उनी भने उपस्थित भएनन् । विभिन्न कार्यक्रमका लागि मन्त्री बाँस्कोटा कञ्चनपुर रहेको बुझिएको छ ।