सेक्युरिटी प्रिन्टिङ प्रेस खरिद प्रकरणमा थप तथ्य उजागर, सांसदहरूले मागे आठ प्रश्नकाे जवाफ

Feb 20, 2020 03:13 PM Merolagani



सेक्युरिटी  प्रिन्टिङ प्रेस खरिद प्रकरणमा सञ्चार मन्त्री गोकुल बाँस्कोटाले ७० करोड रुपैयाँ कमिशन मागेको विषयमा बिहीबार सार्वजनिक लेखा समितिले थप तथ्य उजागर गरेको छ । समितिले बुँदागत रूपमा आठ प्रश्ननका जवाफ सरकारसँग माग गरेको छ । 

प्रेस खरिद प्रकरणमा प्रतिस्पर्धी नभएको, लागत अनुमान यथार्थ नभएको, पोल्याण्डको सरकारी कम्पनीले प्रधानमन्त्रीलाई लेखेको पत्रको बेवास्ता गरिएको, स्वीस कम्पनीको प्रस्ताव बेवास्ता, विभिन्न कम्पनीहरुको प्रस्तावित मूल्यमा ठूलो भिन्नता भएको, सरकारले गरेको प्रस्ताव र मन्त्रिपरिषद् निर्णयमा थुप्रै अस्पष्टता भएको, प्रस्तावित कम्पनीहरूको अनुभव कम भएको र सङ्कट समाधान, समन्वय र मितव्ययिता नअपनाइको विषयमा लेखा समितिले सरकारसँग जवाफ खोजेको हो ।

लेखा समितिले यो प्रकरणमा सोझै भ्रष्टाचार भएको भनेर भनेको छैन तर उसले सोधेका प्रश्नहरुले भ्रष्टाचार गर्ने नै नियत अनुसार कम भएको ठहर्‍याएको छ । प्रतिस्पर्धा नगराएकाे मूल्यमा समेत अरू कम्पनी भन्दा महँगो पर्नुको कारण सोधिएको छ । जबकि यस्तै सामग्री उपलब्ध गराउन अरू कम्पनीले गरेको प्रस्ताव १० अर्ब रुपैयाँ कम छ । पाँचौँ बुँदामा मूल्यको बारेमा सोधिएको छ ।

लेखा समितिको आजको बैठकमा उपस्थित सबै सांसदहरूले चर्को विरोध गरेका थिए । नेकपाकै सांसदहरूले समेत छानबिन हुनुपर्ने भनेका थिए । नेपाली काँग्रेसका सांसदहरू समितिको बैठकमा खनिएका थिए । तर उक्त बैठकमा छलफल गर्न सञ्चार मन्त्री गोकुल बाँस्कोटालाई बोलाए पनि उनी भने उपस्थित भएनन् । कार्यक्रमका लागि मन्त्री बास्कोटा कञ्चनपुर रहेको बुझिएको छ ।

 के के सोधियाे प्रश्न, हेर्नुस् विस्तृतमा 

 

 




हाइड्रोपावर समूहबाट निस्कँदै लगानीकर्ता, कुन सेक्टरमा बढाउँदैछन् लगानी ? तथ्यांक यस्तो छ

Jul 05, 2025 05:39 PM

गत हप्ता नेप्से परिसूचकले सेन्चुरी मारेर २७ सय माथि टिक्न सफल भएको छ । नेप्सेले सेन्चुरी मार्दै गर्दा लगानीकर्ता भने हाइड्रोपावरबाट सिफ्ट भएर अन्य क्षेत्रतिर गएको देखिएको छ । हाइड्रोपावरबाट लगानीकर्ता विस्तारै विकास बैंक, फाइनान्स र इन्स्योरेन्स समूहमा सरेको तथ्यांकले देखाएको छ ।