धितोपत्र बोर्डले कोरोना संक्रमण रोकथामका लागि ५० लाख रुपैयाँ सहयोग गर्ने

Mar 24, 2020 11:32 AM Merolagani



नेपाल धितोपत्र बोर्डले कोरोना भाइरस संक्रमण रोकथाम नियन्त्रण तथा उपचार कोषमा ५० लाख रुपैयाँ सहयोग गर्ने निर्णय गरेको प्रवक्ता निरज गिरीले बताए।

प्रवक्ता गिरीका अनुसार, आफूहरुले कोषमा सहयोग गर्नुका साथै अन्य पूँजीबजार सम्बद्ध निकायहरु नेप्से, सिडिएससि, ब्रोकर र आस्बा सदस्य लागायतलाई सहयोग गर्न अपिल गर्नेछ।

त्यसैगरी, नेपाल स्टक एक्सचेञ्जका कार्यकारी निर्देशक चन्द्र सिंह साउदले पनि नेप्सेको तर्फबाट कोषमा सहयोग गर्ने घोषणा गरेका छन्। तर कति रकम बराबर सहयोग गर्ने भन्ने बारेमा नेप्सेको बोर्डसँग छलफल गरेपछि मात्र तय हुने साउदको भनाई छ। 

सरकारले संक्रमण रोकथाम नियन्त्रणका लागि कोष बनाए पछि विभिन्न निकायबाट सहयोग जुटन क्रम जारी छ। जसमा विभिन्न व्यक्ति, समुदाय व्यवसायीहरु रहेका छन्। यसै क्रममा शेयर बजार र समग्र अर्थतन्त्रको विषयमा समाचार सम्प्रसण गर्ने मेरोलगानीले पनि कोषमा एक लाख रुपैयाँ सहयोग गर्ने भएको छ।




आठ दिनपछि आयाे सुनको मूल्य, कतिमा हुँदैछ कारोबार ?

Jul 11, 2025 11:30 AM

नेपाली बजारमा सुन र चाँदीको मूल्य आठ दिनपछि आएकाे छ । बिहीबार सरकारसँग ६ बुँदे सहमति भएपछि आज शुक्रबार सुनको मूल्य आएकाे हो । सुन चाँदी व्यवसायीहरुले गरेको आन्दोलन कारण गत असार १९ गते बिहीबारदेखि सुनको मूल्य आएको थिएन ।