सायद त्यहि कारण चीनमा फेरि जनावरको बजार खुल्ला गरिएको छ ।कुकुर,बिरालो,चमेरो र बिच्छी खुल्लमखुल्ला बिक्री भइरहेको छ । त्यहाँ रगत र फोहरले लत्पतिएर ढुंगामा लडेका खरायो र हाँस देख्न सकिन्छ । तिनीहरुको छाला निकालिएको छ । यस्ता बजार देख्दा लाग्छ कि कोरोना भाइरसबाट चीनले केहि पाठ सिकेको छैन । यहाँ हालसम्म पनि सरसफाईकालागि कुनै मापदण्ड तय भएको छैन । चीनको डांगूआन नगरमा आम सर्वसाधारणको उपचारकालागि पनि जनावर बेचिएको छ ।
फोटो प्रतिबन्ध
आइतबारबाट गुइलिन राज्यका बजार खोलियो । भीडभाड पहिले जस्तै थियो । स्थानियहरु कोरोना संक्रमण रोकिसकेको र चिन्ताबिहिन देखिन्थे । यद्यपी उनीहरु कोरोनालाई विदेशीहरुको समस्या मान्छन् । गुइलिन डांगूआनका मासु बजार पहिले जस्तै चलिरहेको छ, केवल एक चीज परिवर्तन भएको छ । यहाँ सुरक्षाकर्मी खटिएका छन् जो फोटो खिच्न प्रतिबन्ध लगाउँछन् ।
कोरोना इटलीबाट आयात भएको मान्छन् चिनियाँ
कोरोना भाइरसको पहिलो संक्रमण वुहानमा भेटिएको थियो । कैयौँ हप्तासम्म चीनका अधिकारीहरुले उक्त सुचना लुकाएका थिए । ३३ वर्षका डा.लि वेनलियांगले भाइरसको बारेमा विश्वभरमा जानकारी दिँदा उनलाई चिनियाँ सरकारले नियन्त्रणमा लिएको थियो ।
त्यसपश्चात कोरोना संक्रमणका कारण उनको मृत्यु भएको थियो । हाल चिनियाँ सरकार कोरोना संक्रमण चीनबाट नफैलिएको साबित गर्नमा लागेको छ । चीनको सामाजिक संजाल भिवोमार्फत चीनले कोरोना भाइरस पहिलो पटक नोभेम्बरमा इटलीमा देखिएको दाबी गरेको थियो ।
यस अघि चीनका एक सेनाका अधिकारीले अमेरिकाका सैनिक अधिकारीमाथि संक्रमण चीनमा भित्र्याएको आरोप लगाएका थिए । चीनको वुहान शहरमा मात्र हाल लकडाउन पुर्ण रुपमा खोलिएको छैन । जबकी वुहानमा ८ अप्रिलमा सबै प्रतिबन्ध र लकडाउनबाट बाहिर निस्कने दाबी गरिएको थियो ।
(दैनिक भाष्करबाट साभार अनुवाद गरिएको आलेख)