स्वास्थ्य स्थिति बिग्रीएसँगै बेलायती प्रधानमन्त्री आईसीयूमा

Apr 07, 2020 09:14 AM Agency

कोरोना भाइरसबाट संक्रमित बेलायती प्रधानमन्त्री बोरिस जोनसनको स्वास्थ्य अवस्था बिग्रीएसँगै उनलाई इन्टेन्सिभ केयर युनिट (आईसीयू) मा सारिएको छ।

उनलाई मेडिकल टीमको सल्लाहमा आईसीयूमा सारिएको र त्यहाँ उत्कृष्ट हेरचाह प्राप्त गरिरहेको उनका प्रवक्ताले बताए।

उनले विदेशी सचिव डोमिनिक राबलाई ‘आवश्यक परेमा’ आफ्नो कार्यभार सम्हाल्न निर्देशन दिएको उनका प्रवक्ताले जानकारी दिए।

५५ वर्षिय जोनसनमा लगातार कोरोनाका लक्षणहरु देखिएका कारण गत आइतबार साँझ लन्डनको अस्पतालमा भर्ना गरिएको थियो।

उनलाई सोमबार दिउँसो आईसीयूमा लानुअघि अक्सिजन दिइएको बताइएको छ। यद्यपी, उनलाई भेन्टिलेटरमा भने राखिएको छैन।


comments powered by Disqus

अझै तीन दिन बदलीसँगै वर्षाको सम्भावना

May 29, 2020 11:42 AM

पश्चिमी वायु र स्थानीय वायुको प्रभावले अझै तीन दिन देशभर बदलीसँगै वर्षाको सम्भावना रहेको छ। हाल नेपालमा पश्चिमी वायुको आंशिक प्रभाव रहनुका साथै नेपालको पूर्वी भूभाग नजिक बनेको निम्न चापीय रेखा र स्थानीय वायुको प्रभावले बदलीसँगै मेघगर्जन, हावाहुरी चट्याङसहित वर्षा भइरहेको मौसम पूर्वानुमान महाशाखाले जनाएको छ। आज काठमाडौँ उपत्यकामा बिहानै वर्षा भएको थियो।