उनलाई मेडिकल टीमको सल्लाहमा आईसीयूमा सारिएको र त्यहाँ उत्कृष्ट हेरचाह प्राप्त गरिरहेको उनका प्रवक्ताले बताए।
उनले विदेशी सचिव डोमिनिक राबलाई ‘आवश्यक परेमा’ आफ्नो कार्यभार सम्हाल्न निर्देशन दिएको उनका प्रवक्ताले जानकारी दिए।
५५ वर्षिय जोनसनमा लगातार कोरोनाका लक्षणहरु देखिएका कारण गत आइतबार साँझ लन्डनको अस्पतालमा भर्ना गरिएको थियो।
उनलाई सोमबार दिउँसो आईसीयूमा लानुअघि अक्सिजन दिइएको बताइएको छ। यद्यपी, उनलाई भेन्टिलेटरमा भने राखिएको छैन।
