बुधबारदेखि लागू हुने गरी उनले उक्त आपतकाल घोषणा गरेका हुन् । अहिले घोषणा गरिएको संकटकाल मे ६ सम्म जारी रहनेछ ।
जापान सरकारले ९ खर्ब ९१ अर्ब डलर (१०८ ट्लिियन यान) अर्थात् कुल ग्राहस्थ उत्पादनको २० प्रतिशत बराबरको आर्थिक प्रोत्साहन प्याकेजलाई स्वीकृती प्रदान गरेको छ । ताकि विश्वको तेस्रो ठूलो अर्थव्यवस्थामाथि महामारीको प्रभाव कम गर्न सकियोस् ।
यो अमेरिकी राष्ट्रपति डोनाल्ड ट्रम्पले घोषणा गरेको प्रोत्साहन प्याकेजको ११ प्रतिशत बराबर र जर्मनीको प्रोत्साहन प्याकेजको ५ प्रतिशत मात्र हो ।
आपतकाल घोषणा गरिएको टोकियो सहितका सात प्रान्तमा जापानको कुल जनसंख्याको करिब ४४ प्रतिशत मानिसहरुको बसोबास रहेको छ ।
आपतकालको घोषणाले मानिसहरुलाई घरमै बस्नका लागि र व्यापार व्यवसाय बन्द गरी मानिसहरुको भीडभाडबाट टाढा रहनका लागि लागि दबाबको स्थिति सिर्जना गर्न सम्बन्धित अधिकारीहरुलाई अधिक शक्ति प्रदान गर्दछ ।
आबेले भने, यदि हामीले अन्य व्यक्तिसङ्गको सम्पर्क ७०% देखि ८०% सम्म घटाउन सक्यौ भने आगमी २ सातामा हामी संक्रमितको संख्या उल्लेख्य मात्रामा घटाउन सक्छौ ।
सोमबार आबेले जापानमा कोरोना भाइरसका संक्रमितको संख्या बढिरहेको कारण जापानमा आपतकाल घोषणा गर्न लागिएको बताएका थिए ।
जापानमा भाइरसको नयाँ संक्रमित देखिने क्रम बढेकाले उल्लेख्य मात्रामा भाइरस फैलिन सक्ने चेतावनीसँगै जापानले आपतकाल घोषणा गर्ने निर्णय गरेको हो ।