सिएनएनका अनुसार यस अघि बिहीबार अमेरिकाका राष्ट्रपति ट्रम्प डोनाल्डका निजी सेवकमा पनि संक्रमण पाइएको थियो ।
मिलरमा देखिएको संक्रमणले अमेरिकाका राष्ट्रपति ट्रम्प डोनाल्डलाई आन्तरिक घेराभित्र रहनुपरेको छ । ट्रम्पले ह्वाइट हाउसमा रिपब्लिकन कंग्रेसका सदस्यहरुसँगको भेटमा केटीको कोरोना परिक्षणमा पोजिटिभ नतिजा आएको बताएका हुन् । उनले आफ्नो सम्पर्क मिलरसँग नभएतापनि उपराष्ट्रपति पेन्स भने उनको सम्पर्कमा रहेको पनि जानकारी दिएका छन् ।
मिलर प्रायजसो प्रेस सदस्यहरुसँग सम्पर्कमा रहेको र ह्वाइट हाउसमा अब पत्रकारहरुकालागि धेरै कोरोना भाइरस परिक्षण भइरहेको पनि बताइएको छ ।मिलर हाल ह्वाइट हाउसबाट टाढा आइसोलेसनमा छिन् ।
केटि मिलर ट्रम्पका निकट र वरिष्ठ सल्लाहकार स्टेफन मिलरकी श्रीमती हुन् । उनले शुक्रबार आफ्नो कोरोना परिक्षणमा नतिजा पोजिटिभ आएको ट्वीटरमार्फत जानकारी दिएकी हुन् । उनले समर्थकलाई धन्यवाद दिँदै आफ्नो अवस्था राम्रो रहेको पनि जानकारी दिएकी छिन् ।
केटि मिलरको परिक्षण पोजिटिभ पाइएपछि ह्वाइट हाउसको वेष्ट विंगमा त्रास फलिएको छ । यद्यपी उपराष्ट्रपति माइक पेन्स भने क्वारेन्टाईनमा नरहेको अन्तराष्ट्रिय संचारमाध्यमले जनाएको छ ।