सोमबार अन्तर्राष्ट्रिय बजारमा सुनको मूल्य १.३ प्रतिशतले बढेर प्रतिऔँन्स एक हजार ७६३ डलरमा कारोबार भएको छ। यो सन् २०१२ अक्टोबर पछिको उच्च मूल्य हो।
अमेरिका र चीनका बीचको पछिल्लो तनावको अवस्था, गहन विश्वव्यापी मन्दीको बढ्दो चिन्ता, केन्द्रीय बैंकबाट पर्याप्त तरलताको उपलब्धता आदिका कारणले गर्दा सुनको मूल्य बढ्न पुगेको बताइएको छ।
सुनमा लगानी कम जोखिमपूर्ण अर्थात् सुनलाई सबैभन्दा सुरक्षित लगानीको क्षेत्र मानिएका कारण पछिल्लो समय लगानीकर्ताहरु सुनतर्फ आकर्षित भएको पाइन्छ।
यससँगै भारतमा सुनको मूल्य हालसम्मकै उच्च विन्दुमा पुगेको छ। भारतमा सुन प्रति १० ग्राम ४७ हजार ९२९ रुपैयाँमा खरिदबिक्री भएको छ।