बीमा समितिले लकडाउनको समयमा सवारी साधन प्रयोग नरहेको सूचना सम्बन्धमा लकडाउन सुरु भएको चैत ११ गतेलाई लिने र समयावधि सरकारबाट लकडाउन हटाएको समयसम्म थप गर्न निर्देशन दिएको छ ।
थन्किएको अवधिको बीमाशुल्क छुटको गणना गर्दा सपारी साधनको कुल वार्षिक बीमा शुल्कको एक तिहाई रकम थन्किएको अवस्थाको जोखिमको लागि कट्टा गरी बाँकी दुई तिहाईमा समानुपातिक रकम छुट दिने व्यवस्था गरेको छ ।
यस्तै कुल बीमाशुल्क हिसाब गर्दा तेस्रो पक्ष, यात्रु, कर्मचारीको बीमा लगायत जोखिम समुह समेतको हिसाब गर्नुपर्ने र छुट हुने रकम, सवारी साधन बीमाको नविकरण गर्दा नविकरण शुल्कमा समायोजन गर्न बीमा समितिले निर्देशन दिएको छ ।
साथै सवारी साधनको अन्यत्र बीमकसंग नविकरण हुने अवस्थामा बीमितको अनुरोधमा बीमाकले छुट रकममो प्रमाणपत्र उपलब्ध गराउनु पर्ने व्यवस्था गरेको छ ।
चालु अवधिमा दाबी परिसकेको सवारी साधनको हकमा थन्किएको अवधिको लागि भने छुट नहुने समितिले जनाएको छ ।