मृत्यु भएका बृद्धको स्वाब परिक्षणका लागि काठमाडौंको राष्ट्रिय जनस्वास्थ्य प्रयोगशालामा पठाइएको थियो। पिसिआर प्रविधिबाट गरिएको परिक्षेणमा रिपोर्ट पोजेटिभ आएको सहायक प्रमुख जिल्ला अधिकारी ललित बस्नेतले बताए ।
क्षयरोग, दम र निमोनियाबाट ग्रसित उनी जेठ २ गते अस्पताल भर्ना भएका थिए भने ४ गते राति नै उनको निधन भएको थियो।
ती व्यक्तिकाे शवकाे अन्तिम संस्कार परिवारले गरिसकेकाे छ । काेराेनाकाे परीक्षणकाे रिपाेर्ट नआइ शव परिवारलाइ दिएपछि समस्या आएकाे छ । काेराेनाबाट मृत्यु भएकाकाे शबकाे दाह संस्कार परिवारले प्रत्यक्ष गर्न नसक्ने शव व्यवस्थापन कार्यबिधिमा उल्लेख छ।
बिषय गम्भीर भएकाले यस बिषयमा छलफल गर्न अहिले सराेकारबालाकाे बैठक बसिरहेकाे छ । अन्टेष्टीमा सहभागी, काज कृयाका उपस्थित सबैकाे ट्रेसिङ गर्नु पर्ने देखिएकाे श्राेतले बतायाे ।
