पुरानै बजेटको निरन्तरता रहेको पूर्व अर्थमन्त्री ज्ञानेन्द्र बहादुर कार्कीले प्रतिक्रिया दिएका छन्। असामान्य अवस्थाको बजेट आएको छ। कृषि र स्वास्थ्य लागि बजेट फोकस भएको भए पनि यो बजेटले त्यसलाई सामना गरेको नदेखिएको कार्कीले बताए। वैदेशिक ऋण र अनुदान आउनेमा आशङ्का देखिएको छै। धेरै घोषणा भएका छन्। तर कार्यान्वयन हुने आधार नदेखिएको कार्कीको भनाइ छ।
आगामी आर्थिक वर्षको बजेट औसत बजेटको रूपमा डा चन्द्रमणि अधिकारीको विश्लेषण रहेको छ। यसलाई काम चलाऊ बजेटका रूपमा लिनु पर्ने अधिकारीको भनाइ छ। स्वास्थ्य क्षेत्रमा राम्रै बजेट आएको भए पनि पूँजीगत खर्च घटाएकोमा अधिकारी सन्तुष्ट देखिएका छैनन्। पूँजीगत खर्च घटाएकोले मूल्य बुद्धि हुने सम्भावना बढाएको अधिकारीको भनाइ छ। चालु खर्च बढेकाले यसले थप चुनौती थपेको छ।
स्वास्थ्य र पुनरुत्थान कोषको केहीमा राम्रो देखिएता पनि बजेट बाट जुन अपेक्षा गरिएको थियो त्यो अनुरूप भने बजेट नआएको डा डिल्लीराज खनालको प्रतिक्रिया दिएका छन्। व्यवसायीक क्षेत्रले अपेक्षा गरेको भन्दा विपरीत बजेट आएको खनालको भनाइ छ। ‘आम रूपमा परम्परामाथि उठेर जुन रूपमा बजेट आउला, बजेटको पुन प्रथमिकिकरण होला,पुन संरचना होला, त्यसलाई परिणाम मुखी बनाउने किसमिसे जोडेर जाने किसिमको बजेट आउला भन्ने अपेक्षा थियो त्यो अनुरूप भने आएन’ खनालले भने।
