बलिउडका संगीतकार वाजिद खानमा कोरोना भाइरस संक्रमण पुष्टि

Jun 01, 2020 07:26 PM Merolagani

बलिउडका चर्चित संगीतकार तथा गायक वाजिद खानमा कोरोना भाइरस संक्रमणको पुष्टि भएको छ ।उनको सोमबार बिहान मृत्यु भएको थियो ।उनको मृत्युको कारण हृदयघात र कोरोना भाइरसको संक्रमण रहेको जनाइएको छ ।

वाजिद लामो समयदेखि मृगौला रोगी थिए । केहि समय अघि उनको मृगौला प्रत्यारोपण पनि गरिएको थियो । तर मृगौलामा संक्रमण भएको भन्दै विगत चार दिनदेखि उनी चेम्बुरको सुराणा अस्पतालमा भेन्टिलेटरमा उपचाररत थिए । उनको सोमबार दिउँसो अन्त्येष्टि गरिएको भारतीय संचारमाध्यमले जनाएको छ ।

४२ वर्षिय वाजिदले सलमान खानका वान्डेट,दबंग,एक था टाइगर लगायतका चलचित्रका गीतहरुबाट चर्चा पाएका हुन् । उनी भारतीय सांगितिक रियलिटी सो हरुमा पनि देखिन्थे ।भारतीय सांगीतिक जगतमा साजिद वाजिद जोडी निकै चर्चित छ ।