माइक्रोसफ्टले विश्वभरका रिटेल स्टोर्स बन्द गर्दै

Jun 29, 2020 04:03 PM Merolagani



चर्चित प्रविधि कम्पनी माइक्रोसफ्टले विश्वभरका आफ्ना सबै रिटेल स्टोरहरु बन्द गर्ने भएको छ । कम्पनीले हालै आफ्नो रिटेल स्टोरहरु बन्द गर्ने घोषणा गरेको हो । 

उक्त घोषणाको अर्थ महामारीका कारण बन्द भएको माइक्रोसफ्टका ८० भन्दा धेरै रिटेल स्टोर्स अब फेरि खुल्ने छैनन् । ती बन्द भएसँगै कम्पनीको रिटेल टीम मेम्बर्स कस्टमर्स सर्भिस, सेल्स, ट्रेनिङ र सपोर्ट जस्ता सेवासँग जोडिनेछन् ।

माइक्रोसफ्टका अनुसार, कम्पनीले अब डिजिटल स्टोर्समा जोड दिनेछ । कम्पनीको ती चार क्षेत्रका स्टोर्स मात्र खुल्ला रहनेछन्, जसमा अब उत्पादनको विक्री हुदैन र यसको उपयोग केबल एक्सपिरियन्स सेक्टरका रुपमा हुनेछ ।

कम्पनीले एक्सबक्स र विन्डोज स्टोर्समा लगानी जारी राख्नेछ । कम्पनीले लन्डन, न्यूयोर्क, सिड्नी र रेडमन्ड क्याम्पस जस्ता स्थानहरुमा माइक्रोसफ्ट एक्सपिरियन्स सेन्टर्स सञ्चालन गर्नेछ ।

कम्पनीका अनुसार, रिटेल स्टोर्सबाट प्राप्त हुने सबै सुविधाहरु प्रयोगकर्तालाई अब डिजिटल प्लेटफर्ममा नै उपलब्ध हुनेछ । एजेन्सीको सहयोगमा




आठ दिनपछि आयाे सुनको मूल्य, कतिमा हुँदैछ कारोबार ?

Jul 11, 2025 11:30 AM

नेपाली बजारमा सुन र चाँदीको मूल्य आठ दिनपछि आएकाे छ । बिहीबार सरकारसँग ६ बुँदे सहमति भएपछि आज शुक्रबार सुनको मूल्य आएकाे हो । सुन चाँदी व्यवसायीहरुले गरेको आन्दोलन कारण गत असार १९ गते बिहीबारदेखि सुनको मूल्य आएको थिएन ।