Sat, Apr 04, 2026
नेपालमा थप एक जनाको कोरोना संक्रमणका कारण निधन भएको छ। मृत्यु हुने ४९ दिनको शिशु रहेको स्वास्थ्य तथा जनसंख्या मन्त्रालयले जनाएको छ।
म्याग्दीको धौलागिरी ५ मा स्थायी बसोबास गर्ने ती शिशुको असार १७ गते बेलुका ४ बजे त्रिवि शिक्षण अस्पतालमा निधन भएको हो। उनलाई असार ९ गते उक्त अस्पतालमा भर्ना गरिएको र लामो समयदेखि स्वास्थ्य समस्या भएकाले भेन्टिलेटरमा उपचार गरिएको थियो।
उनको पहिलो चरणको हेमो डायलाइसिस उपचार समेत भएको मन्त्रालयका प्रवक्ता जागेश्वर गौतमले जानकारी दिएका छन्। योसँगै नेपालमा ३१ जना कोरोना संक्रमितको निधन भएको छ।
शेयर बजार (नेप्से) परिसूचक दुई दिनमा नै एक सय १८ अंक भन्दा बढीले घटेपछि दबाबमा रहेका अर्थमन्त्री डा. स्वर्णिम वाग्लेले पूँजीबजार सुधारका लागि विशेष कार्य योजना ल्याउने तयारी गरेका छन्।
