आर्थिक अवस्था त्यति नराम्रो नभएको जानकारी पनि उनले दिए । ‘आयात घटेको कारणले हामीसँग रिजर्भ छ,’गभर्नर अधिकारीले भने ।राष्ट्र बैंकले बैंक तथा वित्तीय संस्थाबाट ऋण लिएका लागि सहयोग पुगोस भनेर समय थप गरि दिएको थियो । तर त्यसले नपुगेको पनि उनले स्वीकार गरे । समय र ब्याजदरका बिषयमा पनि मौद्रिक नीतिले व्यवस्था गर्ने गभर्नर अधिकारीले बताए ।
मौद्रिक नीतिमा गहन रुपमा छलफल गरिरहेको जानकारी पनि उनले दिए । ‘सबैले दिएको सुझाव हेरेका छौं,’ गभर्नर अधिकारीले भने, ‘सबैले दिएको सुझावलाई समेटेर मौद्रिक नीति ल्याउँछौ ।’
प्राय सबैजसो स्थानीयत तहमा बैंकका शाखा पुगेको जानकारी पनि उनले दिए । ती शाखा कम्तिमा ५ जनालाई पुनकर्जा वितरण गरे पनि थुप्रैले त्यो सुविधा पाउनेमा गभर्नर अधिकारीले विश्वास व्यक्त गरे । ‘प्रत्येक गाउपालिकामा रिफानान्स गर्न बैंकका शाखा पुगेका छन् । गाउँको सानो भन्दा सानो व्यवसाय गर्नेले पनि त्यो सुविधा पाउने छ,’ उनले भने ।
काेरोनाका कारण व्यापार व्यवसाय नियमित रुपमा सञ्चालन हुन नसकेको पनि बताए । ‘आर्थिक पुनरुत्थानका कार्यक्रम ल्याउनु जरुरी देखिन्छ,’ उनले भने, ‘सबै सुझावलाई समेटेर मौद्रिक नीति ल्याउँछौ ।’
बैंकमा अहिले २ देखि अढाई अर्बको लगानीयोग्य रकम रहेको जानकारी पनि गभर्नर अधिकारीले दिए । ‘भोली चाहियो भने अरु पनि ल्याउन सक्छौ,’ उनले भने, ‘असहज अवस्थाबाट अर्थतन्त्रलाई अगाडि बढाउन सवैको सहयोग आवश्यक छ ।’
