अब कोषको इकाईमा साउन २५ गतेसम्म आबेदन गर्न सकिनेछ । कोषको इकाईमा संस्थागत तर्फबाट समेत आबेदन दिन सकिने गरी समय थप भएको हो ।
बुधबार सम्ममा कोषको इकाईमा सि आश्वाबाट मात्रै २१ हजार ३३९ आवेदकबाट २० करोड भन्दा बढीको आबेदन परेको लक्ष्मी क्यापिटलले जनाएको छ ।
निष्काशन गरिने कुल इकाईमध्ये १ करोड २० लाख वा कुल बिक्री भएको इकाई संख्याको न्यूनतम १५ प्रतिशत इकाई कोष प्रबर्धक लक्ष्मी बैंकलाई सुरक्षित राखिएको छ । सर्वसाधारणले बाँकी ६ करोड ८० लाख इकाईका लागि आवेदन दिन सक्नेछन् ।
प्रति ईकाई १० रुपैयाँ अंकित मूल्यका १०० ईकाई देखि ८० लाख ईकाईसम्मका लागि सर्वसाधारणले आवेदन दिन सक्नेछन् । नेपाल धितोपत्र बोर्डबाट स्वीकृती प्राप्त गरेका सम्पूर्ण सि–आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट आवेदन दिन सक्नेछन् ।
शेयर बजारमा आफै जोखिम बहन गरेर प्रत्यक्ष लगानी गर्न नचाहने नयाँ तथा साना लगानीकर्ताहरुका लागि सुरक्षित लगानी गर्नु यस्ता सामूहिक लगानी कोषहरु उपयुक्त माध्यम हुन् । यो योजनाको अवधि दश बर्षको रहेको छ ।
यस म्युचुअल फण्ड अन्तर्गत संचालित प्रथम योजना लक्ष्मी भ्यालु फण्ड १,पाँच बर्षको अवधिमा परिपक्क हुँदा करिव ७० प्रतिशत प्रतिफल दिन सफल भएको थियो ।
