अमिताभले जिते कोरोना,अभिषेक भने अझै संक्रमित

Aug 02, 2020 05:49 PM Merolagani



बलिउडका चर्चित अभिनेता अमिताभ बच्चनले कोरोना भाइरस संक्रमणलाई जितेका छन् । संक्रमण जितेका अमिताभ आइतबार अस्पतालबाट डिस्चार्ज भएका छन् । मुम्बइकाे नानावति अस्पतालमा २३ दिन उपचार गरेपछि अमिताभ घर फर्कन लागेका हुन् ।

अमिताभका छोरा तथा नायक अभिषेक बच्चनले सो कुराको जानकारी आफ्नो ट्वीटर मार्फत दिएका हुन् । अभिषेकले ट्वीटरमा आज भएको कोरोना परीक्षणमा आफ्ना पिता अमिताभको नतिजा नेगेटिभ आएको र अस्पतालबाट घर फर्केकाे उल्लेख गरेका छन् । यसकासाथै अब अमिताभ घरमा नै आराम गर्ने पनि बताएका छन् ।

पिता अमिताभले कोरोना जिते पनि आफू भने अझै संक्रमित रहेको अभिषेकले  खुलाएका छन् । उनले थप केहि दिन अस्पतालमा रहने तर कोरोना जित्ने आत्मविश्वास पनि व्यक्त गरेका छन् । नायक अभिषेकले स्वास्थ्य लाभको कामना गर्ने सबैलाई धन्यवाद दिएका छन् ।

अमिताभ स्वयंले पनि सामाजिक संजालमार्फत आफू काेभिड नेगेटिभ भएर घर फर्किएकाे जानकारी दिएका छन् । यद्धपी घरमा क्वारेन्टिनमा रहनुपर्ने  भन्दै शुभकामनाकालागि उनले सबैमा आभार व्यक्त गरेका छन् ।

बच्चन परिवारमा अमिताभ,अभिषेक,आराध्या,ऐश्वर्य रायलाई काेराेना संक्रमण भएकाे  थियाे जसमध्ये केवल अभिषेकमा मात्र संक्रमण बाँकी छ ।




भारत जाने विमानमा फेरि सर्प

Jun 30, 2025 12:48 PM

मुम्बईका भारतीय भन्सार अधिकारीहरूले थाइल्यान्डबाट आएका एक विमान यात्रुलाई जीवित सर्पहरूसहित साथ रोकेको बताएका छन् । यो महिनाको तेस्रो यस्तो जफत हो ।