उनले प्लाज्म थेरापीबाट एक जनाको सफल उपचार भएको जानकारी गराउँदै अब ३ वटा नीजि सहित १२ वटा हस्पिटलबाट उपचार हुने बताए ।
उनका अनुसार नीजि अस्पतालहरुका मेडीसिटी,ग्राण्डी इन्टरनेशनल र ह्याम्स अस्पताल छ । यस्तै सरकारी अस्तालमा धुलिखेल,बीपी कोईराला स्वास्थ्य विज्ञान प्रतिस्ठान धरान,टिचिङ्ग हस्पिटल, पाटन अस्पताल,टेकु हस्पिटल,कर्णाली प्रादेशिक अस्पताल,कोसी अस्पताल,नारायणी अस्पताल, नेपालगञ्ज मेडिकल कलेज,भेरी अस्पताल र सेती अस्पतालमा प्लाज्म थेरापी मार्फत कोरोनाको उपचार गर्न सकिने गरी तयारी गरिएकाे उनले जानकारी गराए ।
यस पद्धतिको लागि रक्त दाता र उचार गर्ने व्यक्तिबीच स्वेच्छिक रुपमा राजी हुनेपर्नेछ । प्लाज्म थेरापीको लागि २५ जना दाता तयार रहेको पनि उनले जानकारी गराए ।
इच्छुक दातामा पीसीआर परीक्षणबाट कोरोना संक्रमण पुष्टि भएको हुनुपर्ने,रक्तदान गर्नु अघि कम्तीमा १४ दिन संक्रमण नदेखिएको हुनुपर्ने र रक्तदान गर्दा नेपाल रेडक्रसले तोकिएको मापदण्ड समेत पुरा हुनुपर्ने प्रवधान छ ।
यस्तै उपचार गर्नुपर्ने व्यक्ति १८ वर्ष पुरा भएको हुनुपर्ने,पीसीआर परीक्षणबाट कोरोना संक्रमण पुष्टि भएको हुनुपर्ने,सिकिस्त विरामी भएको वा चिकित्सकले गम्भीर अवस्थामा पुग्न सक्ने भएको पुष्टि गरेको हुनेपर्ने जनाएको छ । यस्तै ब्लड ग्रुप पनि मिलेको हुनुपर्नेछ ।
