रुसका राष्ट्रपति भ्लादिमिर पुटिनले मंगलबार मात्रै आफ्नो देशले कोरोना भ्याक्सिन तयार गरेको र पहिलो डोज आफ्नो छोरीलाई दिएको दाबी गरेका थिए । तर डब्ल्यूएचओले आफूलाई रुसले तयार गरेको भ्याक्सिनका बारेमा कुनै जानकारी नभएको बताएको छ ।
डब्ल्यूएचओको आरोप रहेको छ कि, रुसले भ्याक्सिन तयार गर्नका लागि निर्धारित दिशानिर्देशको पालना गरेको छैन । यस्तोमा उक्त भ्याक्सिनको सफलतामाथि विश्वास गर्न मुस्किल रहेको छ ।
केबल डब्ल्यूएचओले मात्र नभई कयौँ देशका विशेषज्ञहरुले रुसले तयार पारेको भनिएको भ्याक्सिनमाथि प्रश्न उठाइरहेका छन् । रुसले दिशानिर्देशलाई नजरअन्दाज गरेर भ्याक्सिन ल्याउनु सही नभएको उनीहरुको आरोप रहेको छ ।
यद्यपी रुसले यस्ता विभिन्न प्रकारका आरोपहरुको खण्डन गर्दै आफूले तयार पारेको भ्याक्सिन सफल भएको बताउदैँ आएको छ । एजेन्सी