अघिल्लो आर्थिक वर्षको चौथो त्रैमाससम्ममा इन्स्योरेन्सले २ अर्ब ९४ करोड रुपैयाँ खुद बीमाशुल्क आर्जन गरेको थियो।
इन्स्योरेन्सले लगानी, कर्जा तथा अन्य आयबाट ३४ करोड ९८ लाख, पुनर्बीमा कमिशनबाट ५४ करोड २० लाख रुपैयाँ र बीमालेख धितोमा ७८ करोड ९३ लाख रुपैयाँ लगानी गरी ५ करोड ६५ लाख रुपैयाँ आम्दानी गरेको छ।
कम्पनीको आम्दानीसंगै खुद नाफामा पनि सुधार भएको छ। गत आर्थिक वर्षको चौथो त्रैमासमा इन्स्योरेन्सले ९ करोड ७० लाख रुपैयाँ खुद नाफा कमाएको छ। यो अघिल्लो आर्थिक वर्षको यसै अवधिको तुलनामा २ करोड ८० लाख रुपैयाँ बढी हो।
अघिल्लो वर्षको यसै अवधिमा इन्स्योरेन्सले ६ करोड ८९ लाख रुपैयाँ खुद नाफा कमाएको थियो।
सर्वसाधारणको लागि आईपीओ निष्काशनको तयारीमा रहेको कम्पनीको चुक्ता पूँजी एक अर्ब ५० करोड ५० लाख रुपैयाँ रहेको छ। कम्पनीले जारी पूँजी २ अर्ब १५ करोड रुपैयाँको ३० प्रतिशतले हुन आउने ६४ करोड २० लाख रुपैयाँ बराबरको आईपीओ निष्काशन गर्नेछ।
कम्पनीको जगेडा कोषमा ४४ करोड ८५ लाख रुपैयाँ, जीवन बीमा कोषमा ४ अर्ब २८ करोड र महाविपत्ती जगेडा कोषमा ४ करोड ९८ हजार रुपैयाँ सञ्चित छ।
यस त्रैमाससम्ममा कम्पनीले ९२ हजार ५५० बीमालेख जारी गरी ४ अर्ब ६५ करोड ९८ लाख रुपैयाँ कुल बीमाशुल्क आर्जन गरेको छ।
कम्पनीले यस अवधिमा १५७ वटा दाबी बापत ९० करोड ६४ लाख रुपैयाँ भुक्तानी गरेको छ भने ७ वटा दाबी वापत ७० लाख ५४ हजार रुपैयाँ भुक्तानी गर्न बाँकी छ।
