एकिकृत कारोबारका लागि राष्ट्र बैंकले भदौ ७ गते र कम्पनी रजिष्ट्रारको कार्यालयले भदौ २२ गते अन्तिम स्वीकृती दिएको थियो।
यी दुबै लघुवित्तले आ–आफ्नो विशेष साधारण सभामार्फत १ बराबर १ शेयर शेयर स्वाप रेशियामा मर्ज हुने प्रस्ताव पारित गरेका थिए।
सारथी लघुवित्त नेप्सेमा सूचीकृत नभएको एक राष्ट्रियस्तरको कार्यक्षेत्रको इजाजतपत्र प्राप्त संस्था हो भने नयाँ नेपाल लघुवित्त १० जिल्ला कार्यक्षेत्र भएको नेप्सेमा सूचीकृत लघुवित्तको हो।
दुबै लघुवित्त बिच २०७६ माघ २० गते मर्जर सम्बन्धी सम्झौता भएको थियो। उक्त सम्झौता अनुसार मर्जपछि लघुवित्तको केन्द्रिय कार्यालय काभ्रे, धुलिखेल नगरपालिकामा रहने छ।
सारथी लघुवित्तसँग मर्जर सम्झौता गरे लगत्तै गत माघ २१ गतेदेखि नयाँ नेपाल लघुवित्तको शेयर कारोबार दोस्रो बजारमा रोक्का रहेको छ।
हाल नयाँ नेपालको चुक्ता पूँजी १० करोड ८ लाख रुपैयाँ छ भने सारथीको चुक्ता पूँजी ११ करोड ४ लाख २५ हजार रुपैयाँ छ। मर्जपश्चात लघुवित्तको चुक्तापूँजी २३ करोड ५८ लाख पुग्नेछ।
पछिल्लो समय लघुवित्त कम्पनीहरमा गाभ्ने तथा गाभिने प्रकृया तीब्र देखिएको छ। राष्ट्र बैंकको मर्जर नीतिका कारण पनि अधिकांश लघुवित्त मर्जरमा जान थालेको हो। अहिले सर्वसाधारणमा शेयरनै जारी नगरेका कतिपय लघुवित्त कम्पनीहरु समेत मर्जर प्रकृयामा रहेका छन्।