पुनर्बीमा कम्पनी मुद्धती निक्षेप राख्न बैंकको खोजीमा, गोप्य शिलबन्दी प्रस्ताव आह्वान

Sep 15, 2020 01:49 PM Merolagani

नेपाल पुनर्बीमा कम्पनी (NRIC)ले एक वर्ष र दुई वर्ष अवधिका लागि मुद्धती निक्षेप लगानी गर्न वाणिज्य बैंकहरुको खोजी गरेको छ । कम्पनीले नेपाल राष्ट्र बैंकबाट इजाजत प्राप्त इच्छुक वाणिज्य बैंकहरुलाई अशोज ५ गतेसम्म गोप्य शिलबन्दी प्रस्ताव फारम बुझाउन आह्वान गरेको हो ।

कम्पनीले बाणिज्य बैंकहरुलाई आफुले लिन चाहेकको रकम तथा उक्त रकमका लागि प्रस्ताव गरिएको व्याजदर र व्याज भुक्तानी अवधि सहित कोटेशन सम्बन्धी फारम भरी गोप्य शिलबन्दी पेश गर्न सुचना निकालेको छ ।

यद्यपि कम्पनीले कति रकम मुद्धती लगानी गर्न चाहेको भने खुलाएको छैन । कम्पनीले मुद्धती निक्षेपमा लगानी गर्ने रकम उल्लेख गर्दा बैंकहरुबाट बोलकबोल गर्दा ब्याजदरमा पर्नसक्ने असरलाई मध्यनजर गर्दै रकम उललेख नगरिएको पुर्नबीमा कम्पनीले जनाएको छ ।

शिलबन्दी बोलपत्र पेश गर्दा सम्बन्धित बैंकको पूँजी कोष अनुपात, निष्कृष्य कर्जा सिडि रेसियो, तरल सम्पत्तिरस्वदेशी मुद्रा निक्षेप, रियल स्टेट कर्जा, सर्वसाधाणको कूल निक्षेप रुपैयाँमा, चुक्ता पूँजी, पूँजी प्रर्याप्तता अनुपात, प्रतिशेयर किताबी मूल्य, कम्पनीको नाममा रहेको हालसम्मको निक्षेप रकम, प्रति शेयर आम्दानी, पछिललो पटक वार्षिक साधारण सभा सम्पन्न मिति, प्रस्तावित ब्याजदर, प्रस्तावित रकम, ब्याजदर भुक्तानी तरिका र अन्य खुलाउन पर्ने कुराहरु केही भए खुलाउनुपर्नेछ ।

साथै कम्पनीले मुद्दतीमा लगानी गरिएको रकमको समय समाप्त हुनु अगावै निक्षेप रकम फिर्ता वा मुद्दती निक्षेप धरोटी राखि ऋण लिनुपर्ने अवस्थाको शर्त एंव सुविधाहरु समेत अनिवार्य रुपमा खुलाउनका लागि भनेको छ ।


comments powered by Disqus

आईपीओ निष्काशन खुला हुन साथ मेरो शेयरमा समस्या, के भन्छ सिडिएससी?

Sep 29, 2020 07:27 AM

सुधा देवकाेटा

पूँजीबजार सम्बन्धी सरोकारवाला निकायहरुले शेयरको प्राथमिक बजार मुलुकका सबै क्षेत्रमा पहुँच पुगेको प्रगती विवरण प्रस्तुत गर्न थालेको करिब चार वर्ष भईसकेको छ।