बैंकको असोज १ गते बसेको सञ्चालक समितिको बैठकले शेयरधनीहरुलाइ चुक्ता पूँजीको ७.०३ प्रतिशत बोनस शेयर र कर सहित ३.३७ प्रतिशत नगद गरी कुल १०.४० प्रतिशत लाभांश वितरण गर्ने प्रस्ताव गरेको हो।
प्रस्तावित लाभांश नेपाल राष्ट्र बैंकको स्विकृती र बैंकको आगामी साधारणसभाले पारित गरेपछि शेयरधनीहरुले पाउनेछन्।
अघिल्लो आर्थिक वर्षमा बैंकले ११ प्रतिशत नगद र ५ प्रतिशत बोनस गरी कुल १६ प्रतिशत लाभांश वितरण गरेको थियो। अघिल्लो आर्थिक वर्षको तुलनामा गत वर्षकाे कमाइबाट बैंकले कम लाभांश वितरण गर्ने भएको छ।
गत आर्थिक वर्षको अन्त्यसम्ममा बैंकले १ अर्ब २५ करोड रुपैयाँ खुद नाफा कमाएर प्रतिशेयर आम्दानी १४ रुर्पयाँ ८० पैसा कायम गरेको थियो।
हाल बैंकको चुक्ता पूँजी ८ अर्ब ४५ करोड छ। बोनसपश्चात बैंकको पूँजी ९ अर्ब रुपैयाँभन्दा धेरै हुनेछ।