व्यक्तिगत मुद्दती खाताहरूमा उच्च ब्याज दर आर्जन प्रदान गर्ने र कर्जाको हकमा सोको लागत घटाउने हुनाले यस योजनामा महामारीको कारण हुने आर्थिक कठिनाइ कम गर्न मद्दत पु¥याउँछ भन्ने बैंकले आशा गरेको छ ।
यस योजना अन्तर्गत १३ देखि २४ महिना सम्मको व्यक्तिगत मुद्दती खातामा ग्राहकहरुलाई बार्षिक ९ प्रतिशत ब्याजदर प्रदान गरिनेछ । यसैगरी एक वर्ष सम्मको मुद्दती खातामा बैंकले ८.५ प्रतिशत ब्याजदर प्रदान गर्नेछ । दुई वर्ष भन्दा माथि र पाँच वर्षसम्मको व्यक्तिगत मुद्दती खातामा बार्षिक ९.२५ प्रतिशत ब्याजदर र पाँच वर्ष भन्दा माथि व्यक्तिगत मुद्दती खातामा बार्षिक ९.५० प्रतिशत ब्याजदर प्रदान गरिने बैंकले जनाएको छ ।
बैंकले घर कर्जामा ७.४९५ प्रतिशत, धितो कर्जामा र व्यक्तिगत ओभरड्राफ्टमा ७.९९ प्रतिशत,साना तथा मझौला कर्जामा एक करोड रुपैयाँसम्मको कर्जामा ७.४९ प्रतिशत र एक करोड रुपैयाँभन्दा माथिको कर्जामा ७.९९ प्रतिशत व्याजदरमा कर्जा प्रदान गर्ने निर्णय गरेको हो ।
यस योजना अन्तर्गत प्रदान गरिएका कर्जाहरुमा एक वर्षसम्म ब्याजदर परिवर्तन नगरिने पनि बैंकले जानकारी दिएको छ । नबिल बैंकका ११९ शाखा, १८५ एटिएम र १,५०० भन्दा बढी नबिल रेमिट एजेन्टहरु रहेको छ ।