पार्टीभित्रको आन्तरिक विवाद समाप्त भएसँगै बसेको सचिवालय बैठकले मन्त्रिपरिषदको पुनर्गठनका बिषयमा भोली पनि छलफल गर्ने भएको छ । पार्टीको स्थायी कमिटिले गरेको निर्णय अनुसार मन्त्रिपरिषद पुनर्गठन हुने जानकारी प्रवक्ता नारायणकाजी श्रेष्ठले दिए ।
पार्टी उपाध्यक्ष बामदेब गौतम, महासचिव विष्णु पौडेल वा सुरेन्द्र पाण्डेमध्ये एकलाई अर्थमन्त्री बनाउने तयारी भइरहेको छ । अर्थमन्त्री डा. युवराज खतिवडाले राजीनामा दिएपछि प्रधानमन्त्री ओलीले उक्त मन्त्रालयको जिम्मेबारी समेत आफै राख्दै आएका छन् । प्रधानमन्त्री ओलीले पूर्व अर्थमन्त्री खतिवडालाई बिशेष आर्थिक सल्लाहकार रुपमा ल्याएका छन् र उनको सल्लाह अनुसार अर्थमन्त्रालय सञ्चालन गर्दै आएका छन् ।