केन्द्रीय बैंकबाट अनुमति लिई बिप्रेषण कारोबार गर्दै आएका बैंक तथा वित्तीय संस्था तथा बिप्रेषण प्रदायक कम्पनीहरुलाई विदेशमा काम गरिरहेका नेपालीहरु कार्यरत देशमा सञ्चालनमा रहेका डिजिटल पेमेन्ट संस्थाहरुसँग आबद्ध भई डिजिटल माध्यमबाट रकम भित्र्याउन सकिने व्यवस्था गरेको हो।
नेपालमा रहेका सेवाग्राहीलाई नेपालमा सञ्चालनमा रहेका भुक्तानी सेवा प्रदायक संस्थासँग आबद्ध भई ती संस्थाहरुले सञ्चालन गरेका विद्युतिय भुक्तानी उपकरणहरु जस्तै मोबाइल बैंकिङ, इन्टरनेट बैंकिङ, डिजिटल वालेटमार्फत स्वदेशी मुद्रामा भुक्तानी प्रदान गर्न सक्ने व्यवस्था गरेको छ।
डिजिटल भुक्तानीको लागि नेपालीहरु कार्यरत देशमा सञ्चालनमा रहेको डिजिटल पेमेन्ट इन्स्ट्रुमेन्ट सञ्चालन गर्ने संस्थासँग आबद्ध भएको हुनुपर्ने केन्द्रीय बैंकले जनाएको छ।