असोज पहिलो साता मात्रै २७ वटा वाणिज्य बैंकहरुको निक्षेप संकलन २१ अर्ब रुपैयाँले बढेको छ। गत भदौमा बैंकहरुले निक्षेपमा न्यून व्याजदर दिँदै आएका थिए। भदौको पहिलो साता १ अर्बले बढेको निक्षेप दोस्रो साता ६ अर्ब, तेस्रो साता ५ अर्ब र चौथो साता ४ अर्ब रुपैयाँले बढेको थियो । तर बैंकहरुले मुद्दति निक्षपमा ब्याजदर बढाएसँगै एकै सातामा बैंकहरूको निक्षेप संकलन २१ अर्बले बढेको हो।
अहिले बैंकहरूले मुद्दति निक्षपमा ९ प्रतिशतसम्म ब्याज दिन थालेका छन्।
पछिल्लो समय बैंकहरूको कर्जा लगानी पनि बिस्तारै बढ्न थालेको छ। असोज पहिलो साता बैंकहरुको कर्जा लगानी ९ अर्ब रुपैयाँले बढेको छ। भदाै यता बैंकहरुको कर्जा लगानी ३२ अर्ब रुपैयाँले बढेको छ।
असोज पहिलो सातासम्ममा बैंकहरुले कुल ३५ खर्ब १६ अर्ब रुपैयाँ निक्षेप संकलन गरेका छन भने २९ खर्ब १३ अर्ब रुपैयाँ कर्जा लगानी गरेका छन्।