यस क्षेत्रमा सबैभन्दा ठूलो गिरावट अस्ट्रेलियामा देखिएको छ। यहाँको शेयरबजार तीन महिनाको तल्लो स्तरमा पुगेको छ।
मंगलबार जापान बाहिरको एशिया–प्रशान्त शेयर सूचकमा ०.५ प्रतिशतको गिरावट देखियो। यसैगरी, अस्ट्रेलियाको एसएण्डपी/एएसएक्स २०० सूचक ०.७ प्रतिशतले घट्यो।
यता चीनको ब्लू–चिप सूचक ०.१ प्रतिशत, हङकङको हाङसेङ सूचक ०.५ प्रतिशतले घट्यो। जापानको शेयर बजार भने सार्वजनिक बिदाका कारण बन्द छ।
कोरोना भाइरसको बढ्दो संक्रमणसँगै आर्थिक क्षेत्र थप नराम्रोसँग प्रभावित हुने आशंकासँगै सोमबार बेलायत र अमेरिकाको शेयर बजारमा गिरावट देखियो।