आज थपिएका संक्रमितमध्ये काठमाडौं उपत्यकाका एक हजार ४०३ जना रहेका छन् । काठमाडौंका ९९६ जना , ललितपुरका ३०५ जना र भक्तपुरका १०२ जना गरी सो संख्या पुगेको हो ।
पछिल्लो २४ घण्टामा कोरोना निको भएर दुई हजार १७४ जना डिस्चार्ज भएका छन् । हालसम्म नेपालमा ८० हजार ९५४ जना कोरोना मुक्त भइसकेका छन् ।
हाल देशभरमा कवारेन्टिनमा चार हजार ६६६ जना छन् भने संस्थागत आइसोलेसनमा १४ हजार ८१९ जना र होम आइसोलेसनमा २१ हजार ५४८ जना रहेका छन् ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा दिइएको जानकारी अनुसार गत २४ घण्टामा १३ हजार ९४७ पीसीआर परीक्षण भएको छ । अहिलेसम्म मुलुकमा कुल १२ लाख २१ हजार ३८ परीक्षण भइसकेको छ ।