पछिल्लो २४ घण्टामा कोभिड १९का कारण २४ जनाको मृत्यु भएको छ । हालसम्म देशभरमा ज्यान गुमाउनेको कुल संख्या एक हजार ३६१ रहेको छ ।
आज थपिएका संक्रमितमध्ये काठमाडौं उपत्यकाका ९४७ जना रहेका छन् । काठमाडौंका ६९२ जना, ललितपुरका १९० जना र भक्तपुरका ६५ जना गरी सो संख्या पुगेको हो ।
यसैगरी गत २४ घण्टामा कोरोना निको हुने दुई हजार ७९१ जना रहेका छन् भने अहिलेसम्म कुल दुई लाख चार हजार ८५८ जनाले कोरोना जितिसकेका छन् । हाल क्वारेनिटनमा ६२७ जना छन् ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा दिइएको जानकारी अनुसार पछिल्लो एक दिनमा १० हजार ८४३ पीसीआर परीक्षण भएको छ भने अहिलेसम्म कुल १६ लाख ८१ हजार २९९ परीक्षण भइसकेको छ ।
