नेपाल सुन चाँदी व्यवसायी महासंघका अनुसार आज छापावाला सुन प्रतितोला ९१ हजार ३०० रुपैयाँ र तेजाबी सुन प्रतितोला ९० हजार ८०० रुपैयाँमा कारोबार भइरहेको छ । बिहीबार सुनको मूल्य स्थिर रही प्रतितोला ९१ हजार ५०० रुपैयाँमा किनबेच भएको थियो । यस साताको सोमबारदेखि सुनको मूल्यमा गिरावट देखिएको छ । साताभर सुन प्रतितोला तीन हजार रुपैयाँले घटेको छ ।
यसैगरी शुक्रबार चाँदीको भाउमा पनि सामान्य गिरावट भएको छ । यसदिन चाँदी तोलामा १० रुपैयाँले घटेर प्रतितोला एक हजार १६५ रुपैयाँमा खरिदबिक्री हुँदैछ । यस सातामा चाँदी तोलामा ४५ रुपैयाँले घटेको हो ।