हालसम्मकै धेरै कोरोना संक्रमित थपिएसँगै अमेरिकामा त्रासको अवस्था सिर्जना भएको छ । यसै सन्दर्भमा अमेरिकाको नेशनल इंस्टीट्यूट अफ एलर्जी एण्ड इन्फेक्शियस डिजीजका डाइरेक्टर डा.एन्थनी फोसीले एकपछि अर्काे लगातार कोरोनाको दोस्रो लहर आउने चेतावनी दिएका छन् । उनले अझै पनि ढिला नभएको भन्दै सबैलाई मास्क लगाउन, ठूलो समूहमा नबस्न र सामाजिक दूरी कायम राख्नका लागि आग्रह समेत गरेका छन् ।
विश्वमा हालसम्म ६ करोड ३० लाख भन्दा अधिक कोरोना संक्रमणका घटना सार्वजनिक भइसकेका छन् । तीमध्ये ४ करोड ३५ लाखभन्दा धेरै मानिसहरु ठीक भइसकेका छन् भने १४ लाख ६५ हजारभन्दा धेरै मानिसहरुले कोरोनाका कारण आफ्नो ज्यान गुमाइसकेका छन् ।
व्रिटेनमा कोरोना संक्रमणमा ३० प्रतिशत कमी
यसैबीच व्रिटेनमा महिनाभरको लकडाउनबाट कोरोना संक्रमणको मामलामा ३० प्रतिशत कमी देखिएको बताइएको छ ।
करिब एक लाख जना स्वयमसेवकहरुमा गरिएको अध्ययनबाट यो तथ्यांक सार्वजनिक भएको हो । कोरोना संक्रमितको संख्या बढेसँगै व्रिटेनमा ५ नोभेम्बरमा दोस्रो लकडाउन लगाइएको थियो । एजेन्सीको सहयोगमा
