एक सातामा १६ अर्बले बढ्यो बैंकहरुको कर्जा लगानी, निक्षेपमा पनि बृद्धि

Dec 01, 2020 11:31 AM Merolagani



गत एक सातामा वाणिज्य बैंकको कर्जा लगानी १६ अर्ब रुपैयाँले बढेको छ। लकडाउनका कारण खासै बढ्न नसकेको कर्जा लगानी पछिल्लो समय बढ्न थालेको छ। 

मंसिर पहिलो साता कर्जा लगानी केहि घटेको भए पनि दोस्रो साता १६ अर्ब रुपैयाँले बढेको छ। अहिले बैंकहरुमा कर्जाको माग बढेको बैंकरहरु बताउछन्।

कर्जा लगानी मात्रै होइन निक्षेप संकलन पनि बढ्दो क्रममा छ। गत एक सातामा मात्रै वाणिज्य बैंकहरुले १९ अर्ब रुपैयाँ निक्षेप संकलन गरेका छन्। मंसिर लागेदेखि बैंकहरुले २६ अर्ब रुपैयाँ निक्षेप संकलन गरेको बैंकर्स एशोशियसनको तथ्याँकले देखाउछ।

मंसिर १२ गतेसम्म्मा बैंकहरुले ३६ खर्ब ७५ अर्ब रुपैयाँ निक्षेप संकलन गरी ३० खर्ब ६६ अर्ब रुपैयाँ कजार्म लगानी गरेका छन्। कार्तिक अन्तिमसम्ममा बैंकहरुको निक्षेप संकलन ३६ खर्ब ४८ अर्ब र कर्जा लगानी ३० खर्ब ५२ अर्ब रुपैयाँ थियो।




भारत जाने विमानमा फेरि सर्प

Jun 30, 2025 12:48 PM

मुम्बईका भारतीय भन्सार अधिकारीहरूले थाइल्यान्डबाट आएका एक विमान यात्रुलाई जीवित सर्पहरूसहित साथ रोकेको बताएका छन् । यो महिनाको तेस्रो यस्तो जफत हो ।