विगत २४ घण्टामा देशमा भएको तीन हजार ३९९ नमुना परीक्षण भएको छ जसमा काठमाडौंका ९९ जना, ललितपुरका १८ जना र भक्तपुरका ९ जना गरी उपत्यकामा कुल १२६ जना संक्रमित थपिएका छन् । यसरी अहिलेसम्म कुल १९ लाख ८२ हजार २४६ पीसीआर परीक्षण भइसकेको छ ।
एक दिनमा कोरोना मुक्त हुने ५१३ जना छन् । स्वास्थ्य तथा जनसंख्या मन्त्रालयका अनुसार हालसम्म दुई लाख ५८ हजार ४४१ जना कोरोना मुक्त भएका छन् । मन्त्रालयका प्रवक्ता डा. जोगेश्वर गौतमले नियमित पत्रकार सम्मेलनमा दिएको जानकारी अनुसार मुलुकमा अहिले चार हजार ४२२ जना सक्रिय संक्रमित छन् ।
हाल देशमा २५७ जना क्वारेन्टिनमा छन् भने संस्थागत आइसोलेसनमा तीन हजार २४३ जना र होम आइसोलेसनमा एक हजार १७९ जना रहेका छन् ।
