स्वास्थ्य तथा जनसंख्या मन्त्रालयको नियमित विवरण अनुसार थपिएका संक्रमितहरुमा काठमाडौं उपत्यकाका १६३ जना रहेका छन् । काठमाडौंका १४१ जना, ललितपुरका १५ जना र भक्तपुरका सात जना गरी सो संख्या पुगेको हो ।
यसैगरी २४ घण्टामा कोरोना संक्रमण जित्नेको संख्या ३७४ रहेको छ । हालसम्म देशभरमा कोरोनामुक्त हुने दुई लाख ६१ हजार ८१८ जना रहेका छन् । यस्तै कुल २० लाख १६ हजार ७५८ नमुना परीक्षण हुँदा संक्रमित हुनेको कुल संख्या दुई लाख ६७ हजार ६४४ जना रहेको छ ।
मन्त्रालयले दिएको तथ्यांक बमोजिम एक दिनमा ६ जनाको मृत्यु भएको छ । अहिलेसम्म नेपालमा कुल एक हजार ९६५ जना संक्रमितले ज्यान गुमाएका छन् ।
हाल मुलुकमा सक्रिय संक्रमित हुनेको कुल संख्या तीन हजार ८६१,संस्थागत आइसोलेसनमा रहने एक हजार १०२ र क्वारेन्टिनमा रहेनेको कुल संख्या २२१ रहेको छ ।