चन्द्रागिरि हिल्सको आईपीओ शुक्रबार बाँडफाँड हुने, करिब पौने ११ लाखले शेयर नपाउने

Jan 20, 2021 06:59 PM Merolagani

चन्द्रागिरि हिल्सले सर्वसाधारणलाई निष्काशन गरेको आईपीओ शुक्रबार बाँडफाँड हुने भएको छ । कम्पनीको शेयर निष्काशक तथा बिक्री प्रवन्धक ग्लोबल आइएमई क्यापिटलका अनुसार बुधबार प्रिअलटमेन्ट सकिएपछि शुक्रबार बाँडफाँड गर्ने भएको हो ।

कम्पनीको आईपीओमा कुल १२ लाख ५६ हजार ७४६ जनाले आवेदन दिएका ग्लोबल आइएमई क्यापिटलले जनाएको छ । त्यस मध्ये ४५ हजार ६३१ वटा आवेदन रद्द भएर १२ लाख ११ हजार ११५ वटा मात्रै योग्य आबेदन परेका छन् ।

कम्पनीले पुस २४ गतेदेखि प्रति कित्ता एक सय अंकित मूल्यको दरले कुल १५ लाख ३४ हजार ९१ कित्ता शेयर बिक्रीमा ल्याएको थियो । त्यसमध्ये ४ प्रतिशत अर्थात ६१ हजार ३६४ कित्ता शेयर कम्पनीका कर्मचारीहरुलाई र ५ प्रतिशत अर्थात ७६ हजार ७०५ कित्ता शेयर सामूहिक लगानी कोषको लागि छुट्याएको छ। बाँकी रहने १३ लाख ९६ हजार २२ कित्ता शेयर सर्वसाधारणलाई बाँडफाँड गर्नेछ ।

माग भन्दा बढी आवेदन परेकोले धितोपत्र बाँडफाँड निर्देशिका अनुसार वितरण गर्दा योग्य आवेदकहरु मध्येबाट १ लाख ३९ हजार ६०० जनाले मात्रै १० कित्ताका दरले शेयर पाउने छन् । बाँकी १० लाख ७१ हजार ५१५ जनाको खालि हुने देखिएको हो ।

 

comments powered by Disqus

पाँच दिनको करेक्सनपछि लगानीकर्ताले देख्न थाले शेयर बजारमा 'स्ट्रड बाइङ अपर्चुनिटि', भन्छन् 'करेक्सन सकियो अब पुनः उत्साह आँउछ'

Mar 02, 2021 07:54 AM

रबिन पाैडेल

शेयर बजारमा पछिल्लो पाँच दिनको करेक्सनपछि लगानीकर्ताले 'स्ट्रङ बाइङ अपर्चुनिटि' देख्न थालेका छन्। लगातार बढेर २६४० विन्दु पुगेको शेयर बजार पछिल्लो पाँच दिनमा करेक्सन हुँदै सोमबार पुनः बाउन्स ब्याक भएको छ।