सार्वजनिक हुँदै न्यू जेनेरेशन पल्सर २५०,कहिले आउला नेपाल ?

Jan 27, 2021 05:28 PM Merolagani

बजाजले छिट्टै न्यू जेनेरेसन पल्सर २५० सार्वजनिक गर्ने तयारी थालेको छ । कम्पनीले २५० सीसीमा एनएस र आरएस सिरिजमा यस्तो मोटरसाइकल ल्याउने भएको हो । 

नयाँ लुक्स,बिशेषता र मुल्यसहित सार्वजनिक हुने यी मोटरसाइकल २५० सीसीमा नेकेड स्पोर्टस् र रेसिङ स्पोर्टस मोडलका हुने छन् ।

यी मोटरसाइकलमा इन्जिन भने केटीम ड्यूक २५० बाट लिइने बताइएको छ । कम्पनीका अनुसार बजाजले सार्वजनिक गर्ने २५० मोडलका बाइकले सुजुकी जिक्सर एसएफ२५०,यामाहा एफजेट २५, जिक्सर २५०सँग प्रतिस्पर्धा गर्ने छ ।

नयाँ अवतारका साथ न्यू जेनेरेसनमा सार्वजनिक हुने यी बाइक डिजिटल फिचर हुने छन । जसमा एलइडी हेडलाईट, अल डिजिटल इन्स्टुमेन्ट कन्सोल, ब्लुटुथ कनेक्टिभिटी लगाएतका फिचरका साथ आउने छ ।

२४८ सीसी सिंगल सिलिन्डर, लिक्वीड कुल्ड, एफआई इन्जिन हुने यो मोटरसाइकलको इन्जिनले २९ बीएच पावर तथा २४ एनएम टर्क जेनेरेट गर्छ । बजाजले गत केहि महिना अगाडी मात्रै बजाज डोमिनार २५० सार्वजनिक गरेको थियो ।

नयाँ जेनेरेशनका यो मोटरसाइकल बजाज डोमिनार भन्दा कम मूल्मै उपलब्ध हुने कम्पनीको दाबी छ ।
अहिलेसम्म पल्सर २५० को सार्वजनिक गर्ने मिति तोकिएको छैन तर, २०२१ को अन्त्य भारतिय बजारमा सार्वजनिक भइसक्ने र त्यसको केहिसमयपछि नेपाली बजारमा भित्रिने अनुमान छ ।

प्राय बाइक तथा कार भारतीय बजारमा सार्वजनिक भएपछि मात्रै नेपाल आउने गरेका छन । तर, पछिल्लो समय विश्वबजारमा भित्रिएको केहि समय नवित्दैपनि नयाँ प्रोडक्ट नेपाल भित्रिने क्रम बढ्दो छ । नेपाली बजारमा यी मोटरसाइक गोल्छा ग्रुपले गर्दै आएको छ ।

comments powered by Disqus

आयल निगमले फेरि बढायो पेट्रोलियम पदार्थको मूल्य

Mar 01, 2021 09:28 PM

नेपाल आयल निगमले फेरि पेट्रोलियम पदार्थको मूल्य बढाएको छ । निगमले आज फागुन १७ गतेको राति १२ बजे देखि लागू हुनेगरी पेट्रोलियम पदार्थको मूल्य बढाएको हो ।