अजोड इन्स्योरेन्सले हकप्रदको एजेन्डा हटायो

Apr 07, 2021 05:47 PM Merolagani



अजोड इन्स्योरेन्स (AIL) ले हकप्रद निष्काशनको एजेन्डा स्थगन गरेको छ । कम्पनी बीमा समितिको निर्देशन अनुसार पूँजी वृद्धि र हकप्रद निष्काशनको प्रस्ताव हटाएको हो ।

कम्पनी सञ्चालक समितिको चैत १६ गते बसेको बैठकले हाल कायम चुक्ता पूँजीको ५० प्रतिशत हकप्रद निष्काशन गर्ने विशेष प्रस्तावसहित वार्षिक साधारण सभा बोलाएको थियो । तर हकप्रद निष्काशनको सूचना आउनु अघि नै कम्पनीको शेयरमूल्य १० प्रतिशतले बढेर कारोबार भएको थियो ।

हकप्रदको सूचना सार्वजनिक हुनुअघि आस्भाविक रुपले कम्पनीको शेयरमूल्य बढेपछि अजोडको हकप्रद निष्काशन गर्ने एजेन्डा विवादिद बनेको छ । त्यसबीचमा बीमा समितिले तत्कालको लागि हकप्रद निष्काशन गर्ने एजेन्डा स्थगन गर्न निर्देशन दिएको हो ।

कम्पनी शेयरमूल्यमा बढ्नुमा हकप्रदको सूचना चुहिएर भित्रि कारोबार भएको आशंका गरेको छ । त्यस विषयमा केहि लगानीकर्तालाई नेपाल धितोपत्र बोर्डले अध्ययन गर्न आग्रह समेत गरेको छ ।

त्यस अनुसार बोर्डले पनि बोर्डको निर्देशकको संयोजकत्वमा अध्ययन तथा छानविन उपसमिति गठन गरेको छ । उपसमितिको सूझाव अनुसार बोर्डले उपयुक्त निणर्य लिनेछ ।




आठ दिनपछि आयाे सुनको मूल्य, कतिमा हुँदैछ कारोबार ?

Jul 11, 2025 11:30 AM

नेपाली बजारमा सुन र चाँदीको मूल्य आठ दिनपछि आएकाे छ । बिहीबार सरकारसँग ६ बुँदे सहमति भएपछि आज शुक्रबार सुनको मूल्य आएकाे हो । सुन चाँदी व्यवसायीहरुले गरेको आन्दोलन कारण गत असार १९ गते बिहीबारदेखि सुनको मूल्य आएको थिएन ।