ब्रोकरको शाखा विस्तारले पूँजी बजारको पहुँच विस्तार :बोर्डका अध्यक्ष ढुंगाना

Apr 19, 2021 04:32 PM Merolagani

नेपाल धितोपत्र बोर्डका अध्यक्ष भीष्मराज ढुंगानाले धितोपत्र दलाल व्यवासायी (ब्रोकर)को शाखा विस्तारले पूँजी बजारको पहुँच विस्तारमा थप टेवा पुग्ने बताएका छन्। प्राथमिक बजारको सेवा देशव्यापी भईसकेको अवस्थामा अब दोस्रो बजारका सेवाहरू समेत देशव्यापी बनाउने क्रममा बाेर्ड रहेकाे उनले स्पष्ट पारे ।

भिजन सेक्युरिटिजको नवलपुरको कावासोतीमा शाखा कार्यालय समुदघाटन गर्न पुगेका ढुंगानाले देशका कुनाकाप्चाबाट सर्वसाधारणले शेयर खरिद गर्ने तर सो शेयर विक्रीका लागि दोस्रो  स्थानीय तहमा सेवा उपलब्ध नहुँदा सर्वसाधारणले भोग्नुपरेको समस्याको अव समाधान हुने बताए ।

उनले भने,"ऋणपत्र बजार सञ्चालन,ओटिसी बजारको यान्त्रिकरण लगायतका विषयहरूलाई विशेष प्राथमिकताका साथ अगाडि बढेकाे छ । त्यसैगरी आगामी आर्थिक वर्षमा प्राइभेट इक्विटी, भेञ्चर क्यापिटल जस्ता विशिष्टिकृत लगानी कोषहरूको सञ्चालन गर्ने अवस्थामा छन् । लामो समयदेखि प्रक्रियागत अष्पस्टताका कारण अन्योलमा रहेको वस्तु विनिमय बजारको सञ्चालन अनुमति दिने प्रक्रिया यसै आर्थिक वर्षमा टुङ्गोमा पुर्याउने लक्ष्यका साथ तिव्र गतिमा कार्य भैरहेको छ ।"

अागामी बर्षमा नेपालको धितोपत्र बजारमा नयाँ आयाम थप्ने गरी बोर्ड अघि बढिरहेको अध्यक्ष ढुंगानाले जानकारी गराए । 

ढुंगानाले सर्वसाधारण लगानीकर्ताको सिधा र नजिकको सम्बन्ध ब्रोकरसँग रहने हुनाले ब्रोकरले दिने सेवा,व्यवहारमा समग्र पूँजी बजारको चित्र प्रतिबिम्बित हुने भएकोले ब्रोकरले उत्कृष्ट व्यवासायिक सेवा प्रदान गर्नुपर्ने बताए  । ब्रोकरको कार्यक्षेत्र विस्तारलाई बोर्डले प्राथमिकतामा राखेको समेत ढुंगानाले जानकारी गराए ।

comments powered by Disqus

त्रैमासिक वित्तीय विवरणमा लापरवाही, लगानीकर्ता भन्छन्, 'शेयरमूल्य तलमाथि गर्ने गरी वित्तीय विवरणमा खेल्न थालियो'

May 09, 2021 06:07 PM
  • रबिन पाैडेल

नेपाल स्टक एक्सचेञ्जमा सूचीकृत कतिपय कम्पनीहरुले वित्तीय विवरण प्रकाशनमा लापरवाही गरी गलत विवरणहरु प्रकाशनमा ल्याउन थालेका छन्।पछिल्लाे समय कतिपय कम्पनीहरुले गलत रिपोर्ट प्रकाशित गरेर लगानीकर्तालाई भ्रममा पार्ने गरेको देखिएको छ।