भारतमा एकैदिन करिब ३ लाख मानिस काेराेना संक्रमित, मृत्यु हुनेकाे संख्या २०२३

Apr 21, 2021 03:30 PM Merolagani

भारतमा दोश्रो लहरको कोरोना कहर जारी छ । हरेक दिन कोरोना संक्रित हुने र संक्रमणका कारण मृत्यु हुनेको संख्या बढ्दो छ । पछिल्लो २४ घण्टामा भारतमा करिब तीन लाख मानिसहरु संक्रमित भएका छन् भने २ हजार भन्दा धेरै संक्रमितको निधन भएको छ ।

एकैदिन थपिएका संक्रमितको संख्या अनुसार यो हालसम्मकै धेरै हो । २४ घण्टामा भारतमा २ लाख  ९५ हजार ४१ जनामा काेभिड १९ पुष्टि भएकाे छ भने २ हजार २३ जना संक्रमितकाे ज्यान गएकाे छ ।

हाल भारतमा संक्रमणको बढ्दो संख्याका कारण प्रभावित स्थानहरुमा बेड,भेन्टिलेटर, रेमडेसिविर र अक्सिजनको अभाव रहेको छ । यसैगरी मृत्यु भएका संक्रमितको अन्त्येष्टिकालागि घण्टौं कुनुपर्ने बाध्यता सिर्जना भएको छ ।

हालसम्म सो देशमा कुल संक्रमितको संख्या एक करोड ५६ लाख ९ हजार भन्दा धेरै पुगेको छ । यस्तै कोभिड १९ संक्रमणका कारण ज्यन गुमाउनेको कुल संख्या एक लाख ८२ हजार ५७० रहेको छ ।

भारतमा ११ दिनयता दैनिकजसाे संक्रमणकाे संख्या दाेब्बर भइरहेकाे छ । अप्रिल ९ मा दिनभरमा एक लाख ३१ हजार जना संक्रमित भएकाेमा अप्रिल २० मा २ लाख ७३ हजार जना संक्रमित भएकाे तथ्यांक सार्वजनिक भएकाे छ ।

comments powered by Disqus

त्रैमासिक वित्तीय विवरणमा लापरवाही, लगानीकर्ता भन्छन्, 'शेयरमूल्य तलमाथि गर्ने गरी वित्तीय विवरणमा खेल्न थालियो'

May 09, 2021 06:07 PM
  • रबिन पाैडेल

नेपाल स्टक एक्सचेञ्जमा सूचीकृत कतिपय कम्पनीहरुले वित्तीय विवरण प्रकाशनमा लापरवाही गरी गलत विवरणहरु प्रकाशनमा ल्याउन थालेका छन्।पछिल्लाे समय कतिपय कम्पनीहरुले गलत रिपोर्ट प्रकाशित गरेर लगानीकर्तालाई भ्रममा पार्ने गरेको देखिएको छ।