फरवार्ड लघुवित्त नाफामा सुधार हुँदा प्रतिशेयर आम्दानी कति पुग्यो?

Apr 28, 2021 02:32 PM Merolagani



फरवार्ड लघुवित्त (FOWAD) ले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ। यस अवधिमा लघुवित्तको खुद नाफा ६६.१४ प्रतिशतले बढेर ३६ करोड १५ लाख रुपैयाँ पुगेको छ।

गत आर्थिक वर्षको यसै अवधिमा लघुवित्तले २१ करोड ७६ लाख रुपैयाँ खुद नाफा आर्जन गरेको थियो। खर्च र आम्दानीका सूचकहरुलाई सन्तुलनमा राख्दै लघुवित्तले ब्याज आम्दानी र सञ्चालन आम्दानीमा वृद्धि हुदाँ नाफा बढेको हो।

चुक्ता पूँजी ६२ करोड ५५ लाख रुपैयाँ रहेको लघुवित्तको जगेडा कोषमा एक अर्ब ५ करोड ३६ लाख रुपैयाँ सञ्चित छ।

समीक्षा अवधिमा ६ अर्ब ४४ करोड ९२ लाख रुपैयाँ निक्षेप संकलन गरेको लघुवित्तले अन्य बैंक तथा वित्तीय संस्था मार्फत ८ अर्ब ७५ करोड १६ लाख रुपैयाँ ऋण लिएर १५ अर्ब ३३ करोड १६ लाख रुपैयाँ कर्जा लगानी गरेको छ।

यस अवधिसम्ममा लघुवित्तले ८५ करोड ३१ लाख रुपैयाँ खुद ब्याज आम्दानी गरेको छ। यो गत आर्थिक वर्षको यसै अवधिको तुलनामा ५१.७७ प्रतिशतले धेरै हो। साथै लघुवित्तको सञ्चालन आम्दानी ६६.१९ प्रतिशले बढेर ५६ करोड ८१ लाख रुपैयाँ पुगेको छ।

समीक्षा अवधिमा लघुवित्तको निष्कृय कर्जा अनुपात २.७९ प्रतिशत रहेको छ। लघुवित्तको वार्षिक प्रतिशेयर आम्दानी ७७ रुपैयाँ ७ पैसा कायम भएको छ भने प्रतिशेयर नेटवर्थ २६८ रुपैयाँ ४५ पैसा रहेको छ। लघुवित्तको मूल्य आम्दानी अनुपात ३०.०४ गुणा बढी छ।

 




हाइड्रोपावर समूहबाट निस्कँदै लगानीकर्ता, कुन सेक्टरमा बढाउँदैछन् लगानी ? तथ्यांक यस्तो छ

Jul 05, 2025 05:39 PM

गत हप्ता नेप्से परिसूचकले सेन्चुरी मारेर २७ सय माथि टिक्न सफल भएको छ । नेप्सेले सेन्चुरी मार्दै गर्दा लगानीकर्ता भने हाइड्रोपावरबाट सिफ्ट भएर अन्य क्षेत्रतिर गएको देखिएको छ । हाइड्रोपावरबाट लगानीकर्ता विस्तारै विकास बैंक, फाइनान्स र इन्स्योरेन्स समूहमा सरेको तथ्यांकले देखाएको छ ।