बिल गेट्स र मेलिन्डा गेट्सले विवाहको २७ वर्षपछि गरे डिभोर्सकाे घाेषणा

May 04, 2021 02:03 PM Merolagani

माइक्रोसफ्टका संस्थापक बिल गेट्स र उनकी श्रीमती मेलिन्डाले डिभोर्स गर्ने भएका छन् । अर्बपति दम्पत्तिले विवाहको २७ वर्षपछि छुट्टिने निर्णय गरेका हुन् । 

जीवनको आउँदा दिनहरुमा एकैसाथ अब अगाडि बढ्न नसक्ने भन्दै उनीहरुले सम्बन्धको अन्त्य गर्ने घोषणा गरेका छन् । सामाजिक संजालमार्फत यी दुबैले यस्तो घोषणा गरेका हुन् ।

यद्यपी उनीहरु परोपकारी कार्यका लागि आफ्नो संस्थामा साथसाथै काम गर्ने भएका छन् । बिल र मेलिन्डा गेट्सले धेरै सोचविचार र एकआपसमा कुराकानीपछि आफ्नाे सम्बन्धको अन्त्य गर्ने निर्णय लिएको बताएका छन् ।

'गत २७ वर्षदेखि हामीले तीन सन्तानहरुलाई पालेर ठुला गराइसकेका छौँ । हामीले एक परोपकारी संस्था पनि बनाएका छौं जसले संसारभरमा मानिसहरुको स्वास्थ्य र राम्रो जिन्दगीका लागि काम गर्ने गर्दछ । हामी यस उद्येश्यका लागि अझै पनि उस्तै सोंच राखेर एकसाथ काम गर्ने छौं । यद्यपी जीवनको आउने समयमा श्रीमान् श्रीमतीका हिसाबले सँगसँगै रहन नसक्ने हामीलाई अनुभव भएको छ । हामी नयाँ सुरुवात गर्न जाँदैछौं । यस्तो अवस्थामा हामी सम्पूर्ण परिवारले सबैबाट गोपनीयता तथा केही अलग समयको आशा गरेका छौं,' उनीहरुले लेखेका छन् ।

२७ वर्ष पहिलो यसरी भएको थियो विवाह

बिल गेट्स र मेलिन्डाको पहिलो पटक सन् १९८७ मा न्यूयोर्ककाे एक्सपो ट्रेड मेलामा भेट भएको थियो । मेलिन्डा सन् १९८७ मा माइक्रोसफ्टमा एक प्रोडक्ट म्यानेजरका रुपमा काम गर्दै थिइन् । सोही क्रममा उनीहरुको भेट भएको हो ।

कुराकानीको सुरुवातपछि माइक्रोसफ्ट कार पार्किंगमा बिलले मेलिन्डालाई बाहिर घुम्न जाने प्रस्ताव राखेका थिए । तर मेलिन्डाले उनको प्रस्तावलाई स्वीकरीनन् र समय आएपछि पुन : यो प्रश्न गर्न भनिन् ।

यसपछि बिल गेट्सले बिस्तारै कुराकानी अघि बढाइरहे । केहि महिनापछि यी दुईको सम्बन्धले नयाँ आकार लियो र सन् १९९३ मा उनीहरुले मगनी गरे ।

सन् १९९४ नयाँ वर्षको समयमा उनीहरु विवाह बन्धनमा बाँधिएका थिए । विश्वका सबैभन्दा धनी व्यक्तिका रुपमा चिरपरिचित बिल गेट्स समाजसेवीका रुपमा पनि चिनिन्छन् ।

मेलिन्डा गेट्सले सन् २०१९ मा प्रकाशित आफ्नो संस्मरण 'द मोमेन्ट अफ लिफ्ट' मा आफ्नो बाल्यकाल र जीवनसँग सम्बन्धित संघर्षका बारेमा लेखेकी छिन् । उनले एक सेलिब्रेटिकी श्रीमती हुँदा तथा घरमा तीन बच्चाहरुको पालनपोषण गर्दाको संघर्षको बारेमा पनि बताएकी छिन् ।

(एजेन्सीकाे सहयाेगमा ।)

comments powered by Disqus

त्रैमासिक वित्तीय विवरणमा लापरवाही, लगानीकर्ता भन्छन्, 'शेयरमूल्य तलमाथि गर्ने गरी वित्तीय विवरणमा खेल्न थालियो'

May 09, 2021 06:07 PM
  • रबिन पाैडेल

नेपाल स्टक एक्सचेञ्जमा सूचीकृत कतिपय कम्पनीहरुले वित्तीय विवरण प्रकाशनमा लापरवाही गरी गलत विवरणहरु प्रकाशनमा ल्याउन थालेका छन्।पछिल्लाे समय कतिपय कम्पनीहरुले गलत रिपोर्ट प्रकाशित गरेर लगानीकर्तालाई भ्रममा पार्ने गरेको देखिएको छ।