नेपालमा काेराेना संक्रमितकाे संख्या हालसम्मकै उच्च, मृतक पनि अहिलसम्मकै धेरै

May 04, 2021 06:00 PM Merolagani

नेपालमा हरेक दिनजसो तिव्र गतिमा कोरोना संक्रमित तथा संक्रमणका कारण ज्यान गुमाउनेको संख्या बढिरहेको छ । मंगलबार नेपालमा सात हजार ६६० जना कोरोना संक्रमित थपिएका छन् ।

विगत २४ घण्टामा देशभरमा भएको १६ हजार ७०२ नमुना परीक्षणमध्ये सो संख्यामा संक्रमण पुष्टि भएको हो । स्वास्थ्य तथा जनसंख्या मन्त्रालयको तथ्यांक अनुसार १६ हजार १३१ आरटि पीसीआर परीक्षण र ५७१ एन्टिजेन परीक्षण भएको थियो ।

यसैगरी एक दिनमा कोभिड १९ संक्रमणका कारण ज्यान गुमाउनेको संख्या ५५ रहेको छ । यो एकदिनमा निधन हुने संक्रमितको संख्याका आधारमा हालसम्मकै धेरै हो । हालसम्म देशमा कुल तीन हजार २४१७ जना संक्रमितको निधन भइसकेको छ ।

सोहि अवधिमा संक्रमण जितेर डिस्चार्ज हुनेको संख्या भने एक हजार ७७५ रहेको मन्त्रालयले जनाएको छ । अहिलेसम्म कुल संक्रमित हुनेको संख्या तीन लाख ५१ हजार पाँच र संक्रमण जित्नेको संख्या दुई लाख ८७ हजार ७९० रहेको छ ।

आज काठमाडौंमा दुई हजार ७७९ जना, ललितपुरमा ६०१ जना र भक्तपुरमा ५१३ जनामा संक्रमण पुष्टि भएको छ । यसरी उपत्यकामा एकैदिन तीन हजार ८९३ जना कोरोना संक्रमित थपिएका हुन् ।

हाल क्वारेन्टिनमा २५३ जना रहेका छन् । थपिने संक्रमितमध्ये सबैभन्दा धेरैे ३० देखि ३९ वर्षसम्मका एक हजार ९७४ जना र २० देखि २९ वर्षभित्रका एक हजार ८९२ जना रहेको छ ।

comments powered by Disqus

त्रैमासिक वित्तीय विवरणमा लापरवाही, लगानीकर्ता भन्छन्, 'शेयरमूल्य तलमाथि गर्ने गरी वित्तीय विवरणमा खेल्न थालियो'

May 09, 2021 06:07 PM
  • रबिन पाैडेल

नेपाल स्टक एक्सचेञ्जमा सूचीकृत कतिपय कम्पनीहरुले वित्तीय विवरण प्रकाशनमा लापरवाही गरी गलत विवरणहरु प्रकाशनमा ल्याउन थालेका छन्।पछिल्लाे समय कतिपय कम्पनीहरुले गलत रिपोर्ट प्रकाशित गरेर लगानीकर्तालाई भ्रममा पार्ने गरेको देखिएको छ।