गत आर्थिक वर्षको तेस्रो त्रैमासमा ५ करोड १२ लाख रुपैयाँ खुद नाफा कमाएको लघुवित्तले चालु आर्थिक वर्षको सोही अवधिमा २८ करोड ५८ लाख रुपैयाँ खुद नाफा कमाएको छ जुन गत वर्षको तुलनामा ४५७.२३ प्रतिशतले धेरै हो।
लघुवित्तको नाफामा राइट ब्याक र सञ्चालन आम्दानीको टेवा देखिन्छ। उसको खुद ब्याज आम्दानी पनि बढेको छ।
लघुवित्तको निक्षेप ९ प्रतिशत र कर्जा १८ प्रतिशतले बढेको छ। खराब कर्जामा पनि उल्लेख्य सुधार गरेको देखिन्छ। उसको खराब कर्जा ७ प्रतिशतबाट घटेर ३ प्रतिशतमा झरेको छ।
९८ करोड २५ लाख रुपैयाँ चुक्ता पूँजी रहेको लघुवित्तको प्रतिशेयर आम्दानी ६ रुपैयाँबाट बढेर ३८ रुपैयाँ पुगेको छ भने प्रतिशेयर नेटवर्थ १७६ रुपैयाँ छ।
